ગઢડાનું સ્વામીનારાયણ મંદિર છેલ્લા કેટલાક સમયથી અનેક વિવાદોને લઇને ચર્ચામાં છે. ત્યારે હવે ગઢડા ગોપીનાથજી મંદિરમાં સાંખ્યયોગી બહેનની ધરપકડ કરવામાં આવી છે. આચાર્ય પક્ષના સાંખ્યયોગી બહેનની ધરપકડથી મામલો ગરમાયો.
સાંખ્યયોગી બહેનનો મામલો પહોંચ્યો પોલીસ સ્ટેશને
સાંખ્યયોગી બહેનની ધરપકડથી વાતાવરણ બન્યું તંગ
પોલીસનો કાફલો ઘટનાસ્થળે પહોંચ્યો
ગઢડા ગોપીનાથજી મંદિરમાં સાંખ્યયોગી બહેનની ધરપકડ કરવામાં આવી છે. આચાર્ય પક્ષના સાંખ્યયોગી બહેનની ધરપકડથી મામલો ગરમાયો છે. આ અંગે 3 માસ અગાઉ દેવપક્ષની બહેનોએ પોલીસ ફરિયાદ કરી હતી. મંદિર પરથી સાંખ્યયોગી બહેનની ધરપકડથી વાતાવરણ તંગ બન્યું છે. પોલીસ અને સાંખ્યયોગી બહેનો વચ્ચે બબાલ થઈ છે. અંતે પોલીસે કિરણબેન નામના સાંખ્યયોગી બહેનની ધરપકડ કરી છે. આ મહિલા પોલીસનો મોટો પોલીસ કાફલો ઘટનાસ્થળે પહોચ્યો હતો.
શું હતો સમગ્ર મામલો?
ગઢડા સ્વામિનારાયણ મંદિર અવાર-નવાર વિવાદોમાં સપડાતું રહે છે. ત્યારે ફરી એક વખત સાંખ્યયોગી બહેનો વચ્ચેનો વિવાદ હવે ઘરપકડ સુધી પહોંચ્યો છે. ઘટનાના સીસીટીવી પણ સામે આવ્યા છે. પોલીસ ફરિયાદ મુજબ દેવ પક્ષની એક સાંખ્યયોગી બહેનોએ ફરિયાદ કરી છે કે, મોટી બા મંદિરની સેવા-પુજાના મામલે આચાર્ય પક્ષની સાંખ્યયોગી બહેનો દ્વારા ઝગડો કરવામાં આવ્યો હતો. માર પણ મારવામાં આવ્યો હતો. મને બિભત્સ શબ્દોમાં ગાળો ભાંડવામાં આવી હતી. આચાર્ય પક્ષ મંદિરના સત્તાસ્થાનેથી દુર થયું છે. તેના પગલે આ મંદિર વિવાદોમાં આવ્યું છે.
ગઢડા મોટીબા સ્મૃતિ મંદિર સાંખ્યયોગી બહેનોનો મામલો : આચાર્ય-દેવ પક્ષની સાંખ્યયોગી બહેનોએ કરી હતી ઝપાઝપી, દેવ પક્ષની સાંખ્યયોગી બેહનોએ આચાર્ય પક્ષની 4 સાંખ્યયોગી બહેનો નોંધાવી સામે ફરિયાદ#gadhda#Gujarat#videopic.twitter.com/TptXtMaeGI
ગઢડા જેવા ભક્તિના કેન્દ્રમાં હવે રાજકારણ ઘર કરી ગયું છે. અગાઉ જાહેરમાં શૌચક્રિયાના સીસીટીવી વીડિયો વાયરલ થતા પોલીસ ફરિયાદ અને વિવાદ થયો હતો. ત્યાર બાદ ફરી વિવાદ સર્જાયો છે.