રેસિપી / આ આયુર્વેદિક ઉકાળો કોરોનામાં કરશે ઈમ્યૂૂનિટી બૂસ્ટરનું કામ, સ્વામી રામદેવે જણાવી બનાવવાની યોગ્ય રીત

• કોરોના સામે રાહત આપે છે ઉકાળો (કાઢો)
• ઈમ્યૂન સિસ્ટમને મજબૂત કરશે આ ઉકાળો
• સ્વામી રામદેવે આપી ઉકાળાની ખાસ રેસિપી

સ્વામી રામદેવના અનુસાર ઔષધિઓથી બનતો આ ઉકાળો તમને કોરોના વાયરસથી બચાવે છે અને આ સિવાય અન્ય બીમારીઓથી પણ બચાવશે. આ ઉકાળો બનાવવા માટે તમારે કોઈ સ્પેશ્યિલ ચીજોની જરૂર રહેશે નહીં. આ ઔષધીઓને તમે સરળતાથી બજારમાંથી ખરીદી શકો છો. તો જાણો કઈ રીતે તમે આ ઉકાળો યોગ્ય રીતે બનાવી શકો છો અને તેનો લાભ કોરોનામાં લઈ શકો છો. 

ઈમ્યૂનિટી બૂસ્ટર ઉકાળો બનાવવાની સામગ્રી 

• 1 ચમચી અશ્વગંધા
• 8-10 તુલસીના પાન
• 2-4 ગ્રામ તજ
• 1 ઈંચ આદુ
• 1 ઈંચ હળદર
• ગિલોયની થોડી ડંડીઓ
• કાળા મરી
• 1 લિટર પાણી

બનાવવાની રીત

સૌ પહેલાં ખલમાં અશ્વગંધા, ગિલોય, તુલસી, કાળા મરી, તજ, આદુ, હળદરને સારી રીતે કૂટી લો. હવે 1 લિટર પાણીમાં આ તમામ ચીજો મિક્સ કરો. તેને ધીમા ગેસે સારી રીતે ઉકાળો. જ્યારે પાણી 100થી 200 ગ્રામ થાય ત્યારે તેને ગાળી લો. હવે ગાળ્યા બાદ તેનું થોડા થોડા સમયે સેવન કરો. આ ઉકાળો તમને કોરોના સામે રાહત આપશે.