અભિમાન / હું જ શિવ છું, મને અડવાની આખા બ્રહ્માંડમાં કોઈની તાકાત નથી : લંપટ નિત્યાનંદનો વીડિયો વાયરલ

• નિત્યાનંદ પર છે જાતીય સતામણીને કેસ
• બાળકો સાથે છેડછાડના પણ કેસ
• તાંત્રિક વિધીને નામે બાળકો સાથે શારીરિક સંબધો બાંધતો 

લંપટ સાધુ નિત્યાનંદના નીતનવા કાંડ સામે આવી રહ્યા છે ત્યારે વેબસાઈટ બનાવીને પોતાનો દેશ જાહેર કરી દેનાર નિત્યાનંદનો એક ઓર વીડિયો વાઈરલ થયો છે જેમાં નિત્યાનંદ ફક્ત અને ફક્ત પોતાનું જ બ્રહ્માંડમાં રાજ છે અને પોતે જ મહાદેવ છે તેવું જણાવીને ભક્તોને ભ્રમિત કરી રહ્યો છે. લોભિયા હોય ત્યાં ધુતારા ભુખ્યા ન મરે તે કહેવતને પગલે ભણેલા ગણેલા ધનાઢ્ય લોકો નિત્યાનંદના ઝાંસામાં આવીને મુખમોઢ રૂપિયા ખર્ચી રહ્યા છે. 

વીડિયોમાં શું કહે છે ધુતારો

તમને મારા સુધી પહોંચતા જે જહેમત થઈ હતી તે હવે દુર થઈ જશે. મોત પણ તમને મારાથી દૂર નહીં કરી શકે. દુનિયાની કોઈ તાકાત તમારૂ બ્રેઈન વોશ નહીં કરી શકે. તમે મારા સુધી પહોંચી ગયા છો એટલે હવે તમે મારા છો. હું તમને મારા હૃદયના ઉંડાણથી પ્રેમ કરૂં છું. તમે ફક્ત મારા છો. અને મોત એ તો એક સફર છે બાકી કંઈ નથી? મારાથી કનેક્ટ થઈને તમે પણ મારો ડીએનએ એડોપ્ટ કરી લીધો છે. એટલે હવે જીવ મહિં શીવ અને શિવ મહિં જીવ ભળી ગયો છે. 

"No judiciary can touch me. M param shiva"
: #NithyanandaSwami from an undisclosed location. pic.twitter.com/WXdZ6bGCdO

— Divesh Singh (@YippeekiYay_DH) November 22, 2019

તાંત્રિક વિધીને નામે બાળકો સાથે શારીરિક સંબધો બાંધતો

નિત્યાનંદ તાંત્રિક વિધીને નામે બાળકો સાથે શારીરિક સંબધો બાંધતો હતો. કેટલીય યુવતીઓને તેણે અભડાવી છે. ઘણી યુવતીઓનુું શારીરિક શોષણ કર્યુ છે. બેંગલુરુમાં તેનો આશ્રમ છે અમદાવાદમાં પણ યોગીનીપીઠ્ઠમ નામના આશ્રમમાં તે યુવતીઓને ગોંધી રાખતો હતો. ત્યાંથી યુવતીઓને લઈને હાલ તે ત્રિનિદાદ નાસી ગયો છે.