ભાવનગરઃ ગુજરાતમાં સ્વાઈન ફ્લૂનો કહેર આછું થવાનું નામ નથી લેતો. રાજ્યમાં સ્વાઈન ફ્લૂએ માઝા મુકી છે ત્યારે ભાવનગરમાં સ્વાઈનફ્લૂએ વધુ એકનો ભોગ લીધો છે. ભુમભલી ગામે સ્વાઈનફ્લૂના કારણે મહિલાનું મોત થયુ છે. ભાવનગરની સિવિલ હોસ્પિટલમાં સારવાર દરમ્યાન મોત થયુ છે.
બોટાદની 55 વર્ષીય મહિલાનું મોત
ભાવનગરમાં એક દિવસ અગાઉ પણ સ્વાઈનફ્લૂના કારણે એક દર્દીનું મોત નિપજ્યુ હતું. બોટાદની 55 વર્ષીય મહિલાનું સ્વાઇન ફલૂથી મોત થયુ છે. હાલ ભાવનગરમાં સ્વાઈનફ્લૂના 7 દર્દીઓ સારવાર હેઠળ છે.
એસ.એસ.જી હોસ્પિટલમાં દર્દીનું સારવાર દરમિયાન મોત
વડોદરામાં સ્વાઈનફ્લૂથી વધુ એક દર્દીનું મોત થયું હતું. એસ.એસ.જી હોસ્પિટલમાં દર્દીનું સારવાર દરમિયાન મોત થયું હતું જ્યારે શહેરમાં સ્વાઈનફ્લૂના વધુ 3 કેસ નોંધાયા છે. તો ચાલુ વર્ષે વડોદરામાં સ્વાઈન ફલૂના કારણે થયેલના મોતનો આંકડો 13 પર પહોંચ્યો છે.