SVPના CEO રમ્ય ભટ્ટ આખરે VTVના સ્ટિંગ બાદ દોડતા થયા હતા. અમદાવાદની SVP હોસ્પિટલમાં નર્સિંગ સ્ટાફનો પગાર કાપી લેતા હોબાળો થયો હતો અને આ મામલે AMC દ્વારા નોટીસ પણ આપવામાં આવી હતી તેમ છતાં CEO આ મામલે હડતાળ પર બેઠેલા લોકોને ખોટા હોવાનું રટણ કરી રહ્યા હતા ત્યારે આજે આખરે તેમણે સામે આવવું પડ્યુ હતુ.
અમદાવાદની SVPમાં નર્સિંગ સ્ટાફનો હોબાળાનો મામલો
SVP હોસ્પિટલ દ્વારા નર્સિગ સ્ટાફના કેટલાક કર્મીઓ સામે કરાશે કાર્યવાહી
નોટિસ આપી હોવા છતાં હોસ્પિટલમાં હોબાળો કરતા થશે કાર્યવાહી
રમ્ય ભટ્ટ પોતાના બચાવ માં દોડતા થયા છે. હડતાળ મામલે મોન સેવી બેઠેલા સી.ઈ.ઓ એ પ્રતિક્રિયા આપી છે જેમાં રમ્ય ભટ્ટ હજુ પણ પોતાનો લુલો બચાવ કરી રહ્યા છે. એ હજુ પણ એમ જ કહી રહ્યા થે કે, હડતાળ ઉપર બેઠલા લોકોજ ખોટા છે. પોતે સાચા હોવાનું સી.ઈ.ઓ નું રટણ ખરેખર તંત્રની બેદરકારી બતાવે છે.
તંત્રની જાણ બહાર જ નર્સિંગ સ્ટાફનો પગાર કપાયો
અમદાવાદની SVP હોસ્પિટલમાં નર્સિંગ સ્ટાફના હોબાળા બાદ AMC તંત્ર જાગ્યું છે. SVP હોસ્પિટલમાં નર્સિંગ સ્ટાફનો પગાર કાપવાના મામલે AMC નોટિસ પાઠવી છે. AMC દ્વારા UDS કંપનીને શો કોઝ નોટિસ આપવામાં આવી છે. ગાર કાપવાનો મેઈલ તંત્રની જાણ બહાર કરતા કંપનીને નોટીસ આપી છે. અને પગાર કાપ્યો તે બાબતે કેમ કાર્યવાહી કેમ ન કરવી તે અંગે ખુલાસો માગ્યો છે. એપેડેમીક એક્ટ મુજબ પગાર ભથ્થું કેમ ન આપવું તે અંગે જવાબ માગ્યો છે.
AMC કરી કાર્યવાહી
અમદાવાદની SVP હોસ્પિટલમાં નર્સિંગ સ્ટાફના હોબાળા બાદ AMC તંત્ર જાગ્યું છે. અમદાવાદ મહાનગરપાલિકાએ પરિપત્ર બહાર પાડી હાઉસ કિપિંગ, સિક્યોરિટી સ્ટાફ અને અન્યને પૂરતો પગાર આપવાની સૂચના આપી છે. આ ઉપરાંત સ્ટાફને ફરજ પરથી અન્ય જગ્યા પર ન ખસેડવા પણ આદેશ કર્યો છે.. કોઈ પણ એજન્સી કાયદાનો ભંગ કરશે તો AMC કડક કાર્યવાહી કરશે. AMC હોસ્પિટલમાં કાર્યરત ખાનગી કોન્ટ્રાકટરને આ પરિપત્ર મોકલાયો છે.
UDS કંપનીને શો-કોઝ નોટિસ ફટકારી
અમદાવાદની SVPહોસ્પિટલમાં કર્મચારીઓના પગાર કાપવાના મામલે UDSએ નોટિસ ફટકારી છે. કર્મચારીઓના પગાર ન કાપવા અંગે UDSને નોટિસ ફટકારી છે. મહામારીમાં કામ કરતા કર્મચારીઓને 20 ટકા વધુ પગાર આપવાનો આદેશ આપવામાં આવ્યો છે. SVPને 1 મહિના સુધી કર્મચારીઓને દિવસના વધુ 250 રૂપિયા આપવા પડશે. UDSના પ્રોજેકટ હેડે કર્મચારીઓને વધુ પગાર ચૂકવવાની લેખિતમાં ખાતરી આપી છે.
મહત્વનું છે કે, હોસ્પિટલ દ્વારા 200થી વધુ કર્મચારીઓનો 20 ટકાથી વધુ પગાર કપાયો હતો. 35 હજારનો ઓફર લેટર આપીને 22 હજારનો બીજો લેટર અપાયો હતો. હોસ્પિટલ દ્વારા 200થી વધુ કર્મચારીઓના 10થી 12 હજાર રૂપિયા કાપી નખાયા. કર્મચારીઓએ રજૂઆત કરતા હોસ્પિટલના સત્તાધિશોએ `કામ કરવું હોય તો કરો નહિ તો જોબ છોડો'ની કર્મચારીઓને ધમકી અપાઈ હતી. અન્યાય થતા આજે SVPના 75થી વધુ કર્મચારીઓના ધરણા કર્યા હતા. પુરો પગાર આપવાની માગ સાથે કર્મચારીઓએ ધરણા કર્યા હતા. કર્મચારીઓના ઉગ્ર વિરોધ બાદ સત્તાધિશોએ પગાર આપવા જણાવ્યું.