એસ વી પી હોસ્પિટલ બનતા જૂની હોસ્પિટલ બંધ થવાના આરે છે જેને લઇને કોંગ્રેસ દ્વારા આજે વી. એસ. હોસ્પિટલની મુલાકાત લેવામાં આવી જે હોસ્પિટલ પેહલા દર્દીઓથી ખચોખચ ભરેલું રહેતું હતું ત્યાં હવે વોર્ડમાં દર્દીઓ નહીં પરંતુ ખાલી બેડો જોવા મળી રહયા છે.
ઉલ્લેખનીય છે કે, વી.એસ. બચાવો મુદ્દે કોંગ્રેસ છેલ્લા ઘણા સમયથી વિરોધ કરી રહ્યું છે ત્યારે આજે વિરોધ પક્ષના નેતા દિનેશ શર્મા,બદરુદ્દીન શેખ,ધારાસભ્ય ઇમરાન ખેડાવાળા એ વી.એસ. હોસ્પિટલની મુલાકાત લઇ જાત નિરીક્ષણ કર્યું હતું.
ઉલ્લેખનીય છે કે, એસ.વી પી. હોસ્પિટલ બનતા ડોક્ટર સહીતના સટાફને ત્યાં ખસેડવામાં આવ્યો છે. જેથી વી.એસમાં આવતા દર્દીઓએ સારવારમાં હાલાકી ભોગવવી પડી રહી છે. 1500 બેડ હોસ્પિટલમાં માત્ર 500 બેડ રહ્યા છે જેમાં પણ હવે જે વોર્ડમાં જુઓ ત્યાં બેડ ખાલી જોવા મળી રહ્યા છે.
વર્ષો જૂની વીએસ હોસ્પિટલમાં દર્દીઓ દૂર દૂરથી સારવાર માટે આવી રહયા છે પરંતુ અહીં તેઓને સારવાર હવે નથી મળી રહી. એસ.વી.પી હોસ્પિટલની ફી માથું ઊંચકે તેટલી હોવાથી ગરીબ દર્દીઓ ત્યાં સારવાર નથી લઈ શકતા પરંતુ જે વિડીયો વાયરલ થયા છે તેમાં દર્દીઓઓને સિક્યુરિટી દ્વારા જબરદસ્તી કરીને એસ વી પી હોસ્પિટલ માં સારવાર લેવા મોકલવામાં આવે છે .
આપને જણાવી દઇએ કે, કરોડો રૂપિયાના ખર્ચે અદ્યતન એસ.વી.પી બનાવવામાં તો આવી છે. પરંતુ ઊંચી ફીના કારણે ગરીબ દર્દીઓ તેના લાભ થી વંચિત છે. કોંગ્રેસના નેતાઓએ મુલાકાત તો લીધી પરંતુ કોર્પોરેશન તંત્ર તો માત્ર એસ.વી.પી હોસ્પિટલની વાહ વાહી કરી વી.એસને તાળા મારવા પર જ તુલી છે તેવું અમે નહીં પરંતુ વી એસ ના ખાલી બેડ અને દર્દીઓ કહી રહયા છે .