રિતિક રોશન અને સુઝૈન ખાનની સાથે અલગ થયાને ઘણા વર્ષો વીતી ગયા છે, પરંતુ બંને વચ્ચેની મિત્રતા ખત્મ થઇ નથી. રિતિક અને સુઝૈનની બંને એકબીજા માટે સ્ટેન્ડ લેતા જોવા મળે છે. પોતાના બાળકો માટે સતત એકસાથે જોવા મળે છે. આ વખતે પણ બંને બાળકો માટે એકસાથે આવ્યા છે. બંને 21 દિવસ માટે લૉકડાઉનમાં સાથે રહેશે.
હાલ કોરોના વાઇરસ મહામારીને કારણે લોકડાઉન ચાલી રહ્યું છે. આ આઇસોલેશનના સમયમાં બાળકોનું ધ્યાન રાખવા માટે સુઝૈન ખાને એક મહત્ત્વનું પગલું ભર્યું છે. તે સ્વૈચ્છાએ પતિ રિતિક રોશનના ઘરે થોડા સમય માટે રહેવા આવી ગઈ છે જેથી બંને સાથે મળીને તેમના દીકરા હ્રેહાન એની હ્રિદાનની કાળજી રાખી શકે.
રિતિક રોશને સુઝેનના આ બ્રેવ નિર્ણયને બિરદાવતી એક પોસ્ટ કરી હતી જેમાં તેણે સુઝેનનો આભાર માન્યો હતો. આ પોસ્ટમાં તેણે એવું પણ લખ્યું હતું કે, આ સમય એવા પેરેન્ટ્સ માટે કપરો છે જેઓ બાળકોની કસ્ટડી શેર કરતા હોય. એકબીજાના હક પર હસ્તક્ષેપ કર્યા વગર કઈ રીતે બાળકોને પાસે રાખી શકે એ વિચારવું કઠિન છે.
પોતની પૂર્વ પત્ની વિશે તેણે લખ્યું કે, આ ફોટો પ્રિય સુઝૈનનો છે મારી એક્સ વાઈફ. તે ટેમ્પરરી તેનું ઘર છોડીને અહીંયા રહેવા આવી છે જેથી બાળકો અમારા બંનેમાંથી કોઈથી અળગા ન રહે. આભાર સુઝૈન બાળકોને સાચવવાની આ જર્નીમાં હંમેશાં સપોર્ટ કરવા અને સમજવા માટે.
રિતિક અને સુઝૈનના લગ્ન 20 ડિસેમ્બરના રોજ 2000માં થયાં હતાં. 13 વર્ષ બાદ તેઓ 2013માં છૂટાં પડ્યાં. 2014માં ડિવોર્સની પ્રોસેસ પૂરી થઇ હતી. ડિવોર્સ બાદ બંને બાળકો રિતિક અને સુઝૈન બંને સાથે થોડો થોડો સમય રહેતા હોય છે.