કોરોના મહામારી શરૂ થયાના 7 મહિના બાદ નોર્થ કોરિયામાં કોરોનાનો પ્રથમ શંકાસ્પદ કેસ સામે આવ્યો છે. જેને લઇને કિમ ઉન જોંગે સાઉથ કોરિયાના નજીકના શહેરમાં લોકડાઉનના આદેશ આપ્યા છે. શંકાસ્પદ દર્દી એક ભાગેડું છે. તે ત્રણ વર્ષ પહેલા નોર્થ કોરિયા છોડીને ભાગી ગયો હતો અને 19 જુલાઇએ ગેરકાયદેસર રીતે સીમા પાર કરી દેશમાં પહોંચ્યો હતો.
નોર્થ કોરિયામાં 7 મહિના બાદ પહેલો શંકાસ્પદ દર્દી મળ્યો
પુષ્ટી થવા પર પ્રથમ સત્તાવાર કેસ હશે
સાઉથ કોરિયા નજીકના શહેરોમાં ઇમરજન્સી
નોર્થ કોરિયામાં શંકાસ્પદ કેસ સામે આવતાની સાથે જ ઉત્તર કોરિયાના તાનાશાહ કિમ ઉન જોંગે પોલિત બ્યૂરોની ઇમરજન્સી બેઠક બોલાવી હતી. જેમાં કીસોન્ગમાં ઇમજન્સી લગાવવા અને અલર્ટ જાહેર કરવાનો નિર્ણય કર્યો છે. હવે એ લોકોની ઓળખ કરવામાં આવી રહી છે જે શંકાસ્પદના સંપર્કમાં આવ્યા છે. તે તમામને ક્વોરન્ટાઇન કરવામાં આવશે.
રિપોર્ટ આવતાં જ ગણાશે અહીંનો પહેલો કેસ
જો મામલાની પુષ્ટી થાય તો આ નોર્થ કોરિયાનો પ્રથમ સત્તાવાર કેસ હશે. નોર્થ કોરિયાએ ચીનમાં સંક્રમણ ફેલાયા બાદ તમામ બોર્ડર સીલ કરી દીધી હતી. નોર્થ કોરિયાએ કોરોનાથી બચવા માટે સૌથી પહેલા પગલા ભર્યા હતા.
મહામારીથી દેશ પર પડી શકે છે અસર
નોર્થ કોરિયા એ કેટલાક દેશોમાં સામેલ છે જેણે મહામારીથી બચવા માટે પહેલાંથી જ પગલાં લીધા હતા. દેશની અર્થવ્યવસ્થા ચીનથી થનારા બિધનેસ પર ચાલી રહી છે. આમ છતાં ચીનના વેપાર પર પણ રોક લગાવવામાં આવી હતી. આ કારણે અહીના લોકોની કમાણી પણ ઘટી છે અથવા બંધ થઈ છે. અહીંના લોકોનું સ્વાસ્થ્ય અન્ય દેશની તુલનામાં સારું નથી. આ સમયે જો આ મહામારી ફેલાશે તો નોર્થ કોરિયા પર તેની માઠી અસર જોવા મળશે.