દિલ્હી / IGI એરપોર્ટ પરથી સંદિગ્ધ બેગ મળી આવતા હડકંપ, સુરક્ષા વ્યવસ્થા સઘન બનાવાઇ

• દિલ્હીના ઈન્દિરા ગાંધી એરપોર્ટ પરથી શંકાસ્પદ બેગ મળી
• મુસાફરોમાં મચી દોડધામ
• પોલીસે તાત્કાલિક અસરથી આદરી તપાસ

દિલ્હી પોલીસ અધિકારીના જણાવ્યા અનુસાર એરપોર્ટ પોલીસ સ્ટેશનને શુક્રવારે મોડી રાતે 3 વાગ્યે એક શંકાસ્પદ થેલી મળી હોવાના સમાચાર પ્રાપ્ત થયા હતા. જે બાદ ઘટના સ્થળે પહોંચેલી પોલીસની ટીમે તેને તેના કબજામાં લીધી છે.

Delhi: Security tightened at Terminal 3 of Indira Gandhi International Airport after a suspicious bag was spotted in the Airport premises. pic.twitter.com/7CkuNqJbCs

— ANI (@ANI) November 1, 2019

તપાસમાં જોતરાઇ પોલીસ 

એરપોર્ટ પરથી સંદિગ્ધ બેગ મળી આવ્યા બાદ મુસાફરોમાં પણ હડકંપ મચી જવા પામ્યો હતો. જો કે, આ ઘટનાને પગલે તાત્કાલિક અસરથી ટર્મિનલ 3 ની સામેનો રોડ બંધ કરવામાં આવ્યો હતો.

આ સાથે જ લોકોને પણ ટર્મિનલ 3 ની બહાર ન જવાની સૂચના આપવામાં આવી હતી. જો કે, હજી સુધી એ જાણકારી પ્રાપ્ત થઇ શકી નથી કે શંકાસ્પદ બેગમાંથી શું સામગ્રી મળી આવી છે. પોલીસ હાલ સમગ્ર મામલાની તપાસમાં જોતરાઇ છે.