ચિંતાજનક / દેશમા આ તારીખે આતંકી હુમલાની આશંકા. સુરક્ષા એજન્સીઓએ એલર્ટ જાહેર કર્યું

• સુરક્ષા એજન્સીઓએ એલર્ટ જાહેર કર્યું 
• 26 જાન્યુઆરીએ આતંકીઓ કરી શકે છે હુમલો 
• વિધાનસભા ચૂંટણી સમયે પણ એલર્ટ જાહેર કરાયું 

26 જાન્યુઆરી નજીકમાં છે જેથી પ્રજાસત્તાક દિવસની ઉજવણી માટે લોકો તલપાપડ થઈ રહ્યા છે. બીજી તરફ પંજાબ, ઉત્તરાખંડ, ઉત્તરપ્રદેશ. મણિપુર તેમજ ગુજરાતમાં આ વર્ષે વિધાનસભા ચૂંટણી આવી રહી છે. ત્યારે આ બધા વચ્ચે એવા સમાચાર સામે આવી રહ્યા છે કે ગણતંત્ર દિવસે કે પછી ચૂંટણી સમયે આતંકીઓ હુમલો કરવાની ફિકારમાં છે. 

આતંકી હુમલાને લઈ એલર્ટ જાહેર 

સુરક્ષા એજન્સીઓને માહિતી મળી છે કે પ્રજાસત્તાક દિવસ કે પછી વિધાનસભા ચૂંટણી વખતે આતંકીઓ હુમલો કરી છે. જેને ધ્યાનમાં રાખીને સુરક્ષા એજન્સીઓ દ્વારા એલર્ટ જાહેર કરી દેવામાં આવ્યું છે. 

ભીડ વાળી જગ્યા આતંકીઓ કરી શકે છે ટાર્ગેટ 

આતંકીઓ ભીડ વાળી જગ્યાઓ પર પ્રજાસત્તાક દિવસ કે પછી ચૂંટણી સમયે હુમલો કરે તેવી સુરક્ષા એજન્સીઓને માહિતી મળી છે. સાથેજ બજારોમાં કે પછી કોઈ મોટા નેતા પર આતંકીઓ હુમલો કરવાની યોજના બનાવી રહ્યા છે. સુરક્ષા એજન્સીઓના કહેવા પ્રમાણે રેલ્વે સ્ટેશન, બસ સ્ટેશન અથવા ધાર્મિક સ્થળો પર પણ આતંકીઓ હુમલો કરી શકે છે. 

દેશભરમાં એલર્ટ જાહેર કરવામાં આવ્યું 

સુરક્ષા એજન્સીઓને મળેલી માહિતી બાદ દેશમાં એલર્ટ જાહેર કરી દેવામાં આવ્યું છે. સાથેજ જવાનોને અને સુરક્ષા કર્મીઓને એલર્ટ રહેવા આદેશ આપી દેવામાં આવ્યા છે. ખાસ કરીને જે પણ જગ્યાએ ચૂંટણી છે ત્યા ખાનગી એજન્સીઓને અને પોલીસને સંપર્ક સાધી રાખવા માટે કહેવામાં આવ્યું છે. જેથી કોઈ પણ પ્રકારે આતંકીઓ સફળ ન થઈ શકે.