હુમલાની આશંકા / ભારતને ડબલ ટેન્શન : ISIS-Kના નિશાને મંદિર-નેતાઓ, બીજી તરફ પાકિસ્તાન કરી રહ્યું છે કાળું કામ

• તાલિબાની આતંકીઓ ભારતમાં મોટો હુમલો કરે તેવી શક્યતા 
• LOC પાસે જોવા મળ્યા 50 આતંકીઓ 
• આતંકીઓ ભારતમાં બોમ્બ બ્લાસ્ટ કરે તેવી શક્યતા 

અફઘાનિસ્તાન અને પાકિસ્તાનમાં ફેલાયેલા સક્રિય આતંકવાદને લઈને ISIS ભારતમાં મોટો હુમલો કરવાની ફિરાકમાં છે. સમગ્ર મામલે ખાનગી એજન્સીઓ હુમલાને લઈને એલર્ટ જાહેર કરી દેવામાં આવ્યું છે.  આતંકીઓ ભારતમાં બોમ્બ બ્લાસ્ટ કરી શકે તેવી માહિતી સામે આવી છે. 

કાશ્મીરમાં ઘુસણખોરીનો પ્રયાસ  

બીજી તરફ એવી માહિતી પણ સામે આવી છે કે કાશ્મીરમાં જૈશ-એ-મહોમ્મદના આતંકીઓ ઘુષણખોરી કરવાનો પ્રયાસ કરી રહ્યા છે. તાલિબાને જ્યારથી અફઘાનિસ્તાન પર કબ્જો કર્યો ત્યારથી પાકિસ્તાન તાલિબાન સાથે મળીને ભારત વિરોધી ગતીવિધીઓ વધારી રહ્યું છે. જોકે તાલિબાને સ્પષ્ટ ભાષામાં એવું કહ્યું છે કે તેઓ અફઘાનિસ્તાનની ધરતીનો ઉપયોગ કોઈપણ દેશની સામે નહી કરે પરંતું તેમની વાત પર ભરોસો કરવો અઘરુ છે. 

LOC પર જોવા મળ્યા 50 જેટલા આતંકી 

પાકિસ્તાની એજન્સી ISI પણ તાલિબાની આંતકીઓને કાશ્મીરમાં મોકલી રહી છે. એવી માહિતી સામે આવી છે. LOC પાસે 40 થી 50 જેટલા આતંકીઓ જોવા મળ્યા છે. જેથી આવનારા દિવસોમાં આતંકીઓ કોઈ મોટી ઘટનાને અંજામ આપે તેવી આશંકા સેવાઈ રહી છે. 

મંદિરો પર હુમલો કરી શકે છે ISIS-K 

આપને જણાવી દઈએ કે આંતકી સંગઠન ISIS ભારતમાં મંદિર અથવા તો ભીડભાડ વાલી જગ્યા પસંદ કરી શકે છે. સાથેજ તેઓ ભારતના નેતાઓ ઉપર પણ હુમલો કરી શકે છે. કર્ણાટક અને કાશ્મીરમાંથી બે આતંકીઓ પકડાયા છે. જેમણે આ મામલે માહિતી આપી છે. તેઓ અફઘાનિસ્તાન અને પાકિસ્તાનના આઈએસઆઈએસ ઓપરેટરના સંપર્કમાં પણ હતા. બંનેની પૂછપરછમાં સામે આવ્યું કે આતંકીઓ ભારતમાં બોમ્બ બ્લાસ્ટ કરી શકે છે. 

કાબુલ એરપોર્ટ પર ISISએ કર્યો હતો બ્લાસ્ટ 

આપને જણાવી દઈએ કે આતંકી સંગઠન ISIS દ્વારા કાબુલમાં જે બ્લાસ્ટ કરવામાં આવ્યો હતો. તેમા 13 જેટલા અમેરિકા સૈનિકોની સાથે 100 કરતા વધારે લોકોના મોત થયા હતા. ISIS-K સંગઠનના મુખ્ય લીડરનું નામ અસલમ ફારુકી છે. જે પાકિસ્તાનનો રહેવાસી છે. 

તાલિબાનના ભરોસે પાકિસ્તાન 

ઉલ્લેખનીય છે કે જમ્મુ કાશ્મીરમાં સેનાના કડક વલણને લઈને પાકિસ્તાની આતંકીઓ હવે તૂટી ગયા છે. જેથી તેમને એવું લાગે છે કે તાલિબાનના સહારે તેઓ કાશ્મીરમાં પરત આવી શકશે. થોજાક સમય પહેલાજ પાકિસ્તાની એજન્સી ISIએ કીધું હતું કે કાશ્મીર મુદ્દે તાલિબાન તેમની સહાયતા કરશે.