પક્ષ વિરોધી પ્રવૃતિ કરવા બદલ ભાજપના 13 સભ્યોને પ્રદેશ પ્રમુખ જીતુ વાઘાણીએ કર્યા સસ્પેન્ડ

બોટાદઃ બરવાળા નગરપાલિકાના ભાજપના 13 સભ્યોને સસ્પેન્ડ કરવામાં આવ્યા છે. મળતી માહિતી પ્રમાણે 28 સપ્ટેમ્બરે યોજાયેલ નગરપાલિકાના પ્રમુખની ચૂંટણીમાં મેન્ડેડ વિરુદ્ધ મતદાન કરતા સભ્યોને સસ્પેન્ડ કરવામાં આવ્યા છે. આ તમામ સભ્યોને ભાજપ પ્રદેશ અધ્યક્ષ જીતુ વાઘાણી દ્વારા સસ્પેન્ડ કરવામાં આવ્યા છે.

મહત્વનું છે કે ભાજપમાં જૂથબંધી સામે આવી હતી. બરવાળા નગરપાલિકાની પ્રમુખ-ઉપપ્રમુખની ચૂંટણી મામલે વિવાદ સર્જાયો હતો. જેમાં 24 સભ્યોમાંથી 23 ભાજપના અને 1 સભ્ય કોંગ્રેસનો હતો જેને લઇને સ્પષ્ટ બહુમતિથી ભાજપે પોતાના મેન્ડેડમાં પ્રમુખ તરીકે કમલેશ રાઠોડ અને ઉપપ્રમુખ તરીકે રાજુ જાદવનું નામ આવતા આંતરિક બળવો થયો હતો. 

જેને લઇને મતદાન દરમિયાન બળવંતસિંહ મોરીની તરફેણમાં ભાજપના 14 જેટલા સભ્યોએ મતદાન કર્યું જ્યારે 8 સભ્યોએ કમલેશ રાઠોડની તરફેણમાં મતદાન કર્યું અને 2 સભ્યોએ તટસ્થ રહી મતદાન કરાયું હતું. જેને લઇને પ્રમુખ તરીકે બળવંતસિંહ મોરી અને ઉપપ્રમુખ તરીકે રાજુભાઇ જાદવની નિમણૂંક કરાઇ હતી.