આજે આઇપીએલ રમવા ઉતરનારી વધુ બે ટીમો માટે બિડિંગ થવાનું છે. જેમાં અદાણી સહિત અંદાજે 22 ઉદ્યોગપતિ ભાગ લેવાના છે.
એક તરફ ટી-ટ્વેન્ટી વર્લ્ડ કપ ફીવર ચાલી રહ્યો છે તો બીજી તરફ આજે આઈપીએલમાં નવી ટીમો માટે બિડિંગ થવાનું છે.
તાજેતરમાં પૂરી થયેલી આઇપીએલની સિઝનમાં ચેન્નાઈ સુપર કિંગ્સ વિજેતા બની હતી જેના કેપ્ટન મહેન્દ્ર સિંહ ધોની છે. હવે આઈપીએલમાં વધારે મસાલો ભળશે અને વધારે મજેદાર બનશે એવી સંભાવના છે.
આગામી IPLમા કુલ 10 ટીમ
આજે IPLની નવી 2 ટીમ માટે બિડિંગ થશે. ભારતીય ક્રિકેટ કંટ્રોલ બોર્ડ દ્વારા જાહેરાત કરવામાં આવી હતી કે આગામી IPLમા કુલ 10 ટીમ મેદાને ઉતરશે. હાલ આઠ ટીમો વચ્ચે આઈપીએલ રમાઈ રહી છે.
In sometime, this stage will be full with prospective bidders for 2⃣ new IPL Franchises. 👍 👍
આવનારી IPLમાં દેખાઈ શકે છે અમદાવાદની ટીમ
આવનાર બે નવી ટીમોમાં ગુજરાતની પણ ટીમ જોવા મળી શકે છે. અને અગાઉની જેમ અમદાવાદની ટીમ જોવા મળે તેવી સંભાવના વચ્ચે ગુજરાતી ક્રિકેટ ચાહકો ખુશ થઈ ગયા છે કે કદાચ ફરી એક વખત ગુજરાત અને ખાસ તો અમદાવાદની ટીમ આઈપીએલમાં રમતી જોવા મળી શકે છે.
BCCIએ કુલ 6 શહેરને નવી ટીમ માટે મેદાને ઉતાર્યા છે
અમદાવાદ, લખનઉ, કટક, ગુવાહાટી, રાંચી અને ધર્મશાળા આ શહેરોની ટીમ આઈપીએલ રમે તેવી સંભાવના સાથે મેદાને છે.
જેમાં અમદાવાદ અને લખનઉની ટીમ સૌથી ફેવરિટ માનવામાં આવી રહી છે.
22 ઉદ્યોગપતિ બોલીમાં ભાગ લેશે
અદાણી ગ્રુપ, ટોરેન્ટ ફાર્મા સહિત કુલ 22 ઉદ્યોગપતિ બોલીમાં ભાગ લેશે
BCCIએ ફ્રેન્ચાઈઝી ખરીદવાની બેસ પ્રાઈઝ 2 હજાર કરોડ રાખી છે અને નવી ટીમ જાહેર કરી BCCI 7થી 10 હજાર કરોડ કમાઇ શકે છે.
આ મુખ્ય ઉદ્યોગપતિઓ બોલી લગાવશે
સંજીવ કુમાર - RPSG
ગ્લેઝર પરિવાર - માન્ચેસ્ટર યૂનાઈટેડ ક્લબના માલિક
અદાણી ગ્રુપ
નવીન જિંદલ - જિંદલ પાવર એન્ડ સ્ટીલ
ટોરેન્ટ ફાર્મા
રોની સ્ક્રૂવાલા
ગ્રુપ M
અરબિંદો ફાર્મા
કોટક ગ્રુપ
સીવીસ પાર્ટનર્સ
સિંગાપુર સ્થિત PE ફર્મ
હિંદુસ્તાન ટાઈમ્સ મીડિયા
પ્રસારણ અને ખેલ પરામર્શ એજેન્સી ITW