લોકસભાની ચૂંટણી હવે માથા પર આવી ગઇ છે. જેમ જેમ દિવસો ઘટતા જાય છે, તેમ તેમ બંને મુખ્ય પક્ષો એડીચોટીનું જોર લગાવી રહ્યા છે. જ્યારે આજે પાટણમાં ભાજપનું વિજય સંકલ્પ સંમેલન યોજાયું હતું. પાટણ નગરપાલિકાના પ્રમુખ મહેન્દ્ર પટેલ ભાજપમાં જોડાયા છે.
નાયબ મુખ્યમંત્રી નીતિન પટેલે મહેન્દ્ર પટેલને ખેસ પહેરાવી ભાજપમાં સ્વાગત કર્યું હતું. મહત્વનું છે કે, મહેન્દ્ર પટેલ કોંગ્રેસ સાથે બગાવત કરી નગરપાલિકાના પ્રમુખ બન્યા હતા. પક્ષ વિરુદ્ધ પ્રવૃત્તિ કરતા મહેન્દ્ર પટેલને કોંગ્રેસમાંથી સસ્પેન્ડ કરાયા હતા.
નાયબમુખ્યમંત્રી નીતિન પટેલ અને મંત્રી દિલીપ ઠાકોરની ઉપસ્થિતિમાં યોજાયેલા આ સંમેલનમાં દિલીપ ઠાકોરે અતિશયોક્તિ કરી હતી. મંત્રી દિલીપ ઠાકોરે પોતાના ભાષણમાં અતિશયોક્તિ કરતા પ્રધાનમંત્રી મોદીને ભગવાન કૃષ્ણ સાથે સરખાવ્યા હતા. દિલીપ ઠાકોરે પ્રધાનમંત્રી મોદીની તુલના કૃષ્ણ ભગવાન સાથે કરી હતી.