કચ્છના પૂર્વ કલેક્ટર અને સસ્પેન્ડેડ IAS પ્રદીપ શર્મા તેમની વિરુદ્ધ ચાલી રહેલાં બે કેસ સંદર્ભે ભુજની ચીફ કૉર્ટમાં ઉપસ્થિત રહ્યા હતા. કચ્છમાં કલેક્ટર તરીકેના કાર્યકાળ દરમિયાન મુંદરાની જિંદાલ સૉ પાઈપ લિમિટેડ નામની કંપનીને પાણીના મૂલે સરકારી જમીન પધરાવી દેવાનો શર્મા સામે કેસ ચાલી રહ્યો છે.
એ જ રીતે પાલારા ખાસ જેલમાં જ્યુડિશિયલ કસ્ટડી દરમિયાન તેમની પાસેથી મોબાઈલ સીમકાર્ડ વગેરે મળી આવ્યા હતા. આ બંને કેસમાં પોતાને તહોમત મુકત કરવા શર્માએ ટ્રાયલ કૉર્ટ સમક્ષ અરજી કરી હતી.
જેની આજે સુનાવણી હતી. ભુજ કોર્ટે પ્રદીપ શર્માની બન્ને કેસમાં તેમને ડિસ્ચાર્જ કરવાની અરજી નામંજૂર કરી હતી. આપને જણાવી દઇએ હાલ શર્મા ભાવનગર જેલમાં જ્યુડિશિયલ કસ્ટીમાં છે.