અરવલ્લીના મોડાસાના સાયરાની સીમમાંથી મળી આવેલી યુવતીના શંકાસ્પદ મોત મામલે ચાર આરોપીઓ સામે અપહરણ સામુહિક બળાત્કાર અને હત્યાનો ગુનો દાખલ કરવામાં આવ્યો હતો. ત્યારે હવે આ પીડિતાના ત્રણ આરોપીઓએ મોડાસા ગ્રામ્ય પોલીસ સ્ટેશનમાં સરેન્ડર કર્યું છે.
પીડિતાના ગુનેગારોએ કર્યું આખરે સરેન્ડર
ત્રણ આરોપીઓ મોડાસા ગ્રામ્ય પોલીસ સ્ટેશને હાજર થયા
અપહરણ, ગેંગરેપ અને હત્યાના આરોપીની ધરપકડ
મોડાસાની પીડિતાના ત્રણ આરોપી બિમલ ભરવાડ, દર્શન ભરવાડ અને જીગર પરમાર મોડાસા ગ્રામ્ય પોલીસ સ્ટેશને હાજર થયા છે. જ્યારે એક આરોપી સતિષ હજુ પોલીસ પકડથી દૂર છે. પોલીસે ત્રણેય આરોપીઓની અપહરણ, ગેંગરેપ અને હત્યાનામાં ધરપકડ કરી છે.
મહત્વનું છે કે આ અગાઉ યુવતીના અપહરણમાં વપરાયેલી કાર કબ્જે કરાઇ હતી. ફરિયાદીએ આપેલ CCTVના આધારે કાર્યવાહી કરાઇ હતી. ગ્રામ્ય પોલીસે કાર કબ્જે લીધી હતી.