વડોદરા શહેરના સમા વિસ્ચતારમાં 6 વર્ષની બાળકી અને 36 વર્ષની માતાનું મોત થયું છે. જેના કારણે આસપાસ વિસ્તારમાં ચકચાર મચી જવા પામી છે. જોકે બંનેના મોતનું રહસ્ય હજુ પણ અકબંધ છે
વડોદરામાં માતા પુત્રીનું શંકાસ્પદ મોત
6 વર્ષની બાળકી સાથે માતાનું પણ મોત
બંનેના મૃત્યું પાછળનું કારણ હજું પણ અકબંધ
વડોદરામાં હજું જો મહેંદી હત્યા કેસમાં પોલીસ કામ કરી રહી છે. ત્યાતો અહીયા પોલીસ સામે એક નવો પડકાર આવ્યો છે. શહેરના સમા વિસ્તારમાં એક ચોંકવનારો બનાવ સામે આવ્યો છે. જેમા બે વ્યક્તિના મોત થયા હોવાનું સામે આવ્યું છે. મૃતક સંબંધમાં માતા પુત્રી થતા હોવાનું સામે આવ્યું છે અને આ ઘટનાને લઈને પોલીસ દોડતી થઈ ગઈ છે.
શહેરના સમા વિસ્તારનો બનાવ
શહેરના સમા વિસ્તારમાં માતા પુત્રીનું શંકાસ્પદ મોત થયું છે. જેના કારણે આસપાસના સમગ્ર વિસ્તારમાં ચકચાર મચી જવા પામી છે. અહીયા એક 36 વર્ષની માતા તેમજ તેની 6 વર્ષની પુત્રીનું શંકાસ્પદ મોત થયું છે. જેના કારણે પોલીસ પણ વિચારમાં મુકાઈ ગઈ છે. જોકે સમગ્ર માલે પોલીસે તપાસ હાથ ધરી છે.
હોસ્પિટલમાં તબીબોએ મૃત જાહેર કર્યા
બનાવ સમા વિસ્તારમાં આવેલ ચંદન પાર્ક સોસાયટીમાં બન્યો હોવાનું સામે આવ્યું છે. જ્યા માતા પુત્રીનું શંકાસ્પદ મોત થયું છે. પરિવારજનોએ ઘટનાને લઈને માતા પુત્રીને તુરંત હોસ્પિટલ ખસેડ્યા હતા. પરંતુ હોસ્પિટલમાં હાજર તબીબોએ માતા પુત્રીને મૃત જાહેર કર્યા જેથી તે સમયે પરિવારના પગ નીચેથી જમીન સરકી ગઈ હતી.
બંનેના મતોનું કારણ હજુ અકબંધ
ઉલ્લેખનીય છે કે સમગ્ર મામલે માતા પુત્રીનું મોત કયા કારણોસર થયું છે તે રહસ્ય હજું પણ અકબંધ છે. જેથી આ સમગ્ર મુદ્દે પોલીસ તપાસ કરી રહી છે. જોકે બીજી તરફ પરિવારના સભ્યો પણ શોકમાં જતા રહ્યા છે. ફુલ જેવી 6 વર્ષની બાળકી તેમજ પત્નીના મોતને કારણે પતિ પરતો જાણે કે આભ તૂટી પડ્યું હોય તેવી સ્થિતી સર્જાઈ છે.