અમેરિકા: શિકાગોની હોસ્પિટલમાં ફાયરિંગ હુમલાખોર સહિત ચારનાં મોત

અમેરિકાના શિકાગો શહેરની એક હોસ્પિટલમાં સોમવારના રોજ એક બંદૂકધારીએ ફાયરિંગ કરી હોવાની ઘટના બહાર આવી છે. આ હુમલામાં બંદૂકધારી સહિત ચાર લોકોના મોત નિપજયાં છે.

મરનારમાં એક ડોકટર એક હોસ્પિટલનો કર્મચારી અને પોલીસકર્મીનો સમાવેશ થાય છે. આ હુમલામાં હોસ્પિટના એક અન્ય કર્મચારી પણ ઇજાગ્રસ્ત થયો છે. આ ઘટના દક્ષિણી શિકાગો શહેરના મર્સી હોસ્પિટલની છે.

પોલીસ દ્વારા જણાવવામાં આવ્યું છે કે બંદૂકધારીએ જે તબીબને ગોળી મારી હતી તેને ઓળખતો હતો. હોસ્પિટલમાં હાજર લોકોએ જણાવ્યું કે જ્યારે ફાયરિંગનો અવાજ આવ્યો ત્યારે તેઓ ઘણા ડરી ગયા હતા.

જ્યારે હોસ્પિટલમાં હાજર દર્દીઓએ હુમલાખોરને જોઇને પોતાના હાથ ઊંચા કરી દીધા હતા. જ્યારે મરનાર ચોથો વ્યક્તિ હોસ્પિટલનો કર્મચારી છે. જ્યારે પોલીસકર્મીનું મોત એ દરમિયાન થયું જ્યારે આ હુમલાખોરથી લોકોને બચાવવાનો પ્રયત્ન કરી રહ્યો હતો.

જ્યારે અધિકારીઓએ જણાવ્યું કે હુમલાખોરનું મોત થઇ ગયું છે પણ તેની ઓળખ થઇ શકી નથી. જો કે હજુ સુધી આ વાતની જાણકારી મળી નથી કે હુમલાખોરનું મોત પોતાની ગોળીથી કે પોલીસકર્મીની ગોળીથી થયું છે. જ્યારે એક અન્ય પોલીસકર્મી પણ આ ઘટનામાં ઇજાગ્રસ્ત થયો છે.

જ્યારે કોલારડોના ડેનવરમાં પણ આવી દૂર્ઘટના ઘટી હોવાનું બહાર આવ્યું છે. જેમાં એક વ્યક્તિનું મોત નિપજ્યું છે જ્યારે અન્ય ત્રણ લોકોને ઇજા પહોંચી છે. રોડ પર થયેલા આ ફાયરિંગમાં એક સંદિગ્ધની અટકાયત કરવામાં આવી છે.