બોલીવૂડની અભિનેત્રી સુષ્મિતા સેન પોતાના એક વિડીયોને લઈને ભારે ચર્ચામાં છે. આ વિડીયોમાં તે પોતાની દીકરીઓ સાથે ડાન્સ કરી રહ્યા છે જે લોકોને ખુબ ગમી રહ્યો છે. સુષ્મિતા પોતાની ફિટનેસ માટે ખુબ એક્ટિવ રહે છે ત્યારે ડાન્સમાં પણ તેમની ચુસ્તી સ્ફૂર્તિ જોઇને લોકો આશ્ચર્યચકિત થઇ ગયાં હતા. વિડીયોમાં તેમના બોયફ્રેન્ડ રોહમન પણ દેખાઈ રહ્યા છે.
બોલીવૂડ અભિનેત્રી સુષ્મિતા સેન ભલે ફિલ્મથી દૂર રહેતા હોય છતાં તેઓ પોતાની ફિટનેસને લઈને આજે પણ લોકોમાં ચર્ચાનો વિષય બનતાં હોય છે. સુષ્મિતા સોશિયલ મીડિયામાં ખુબ એક્ટિવ રહે છે. હાલમાં જ તેઓએ પોતાની દીકરીઓ સાથે ડાન્સ કરતો વિડીયો શેર કર્યો છે જે સોશિયલ મીડિયામાં ખુબ વાયરલ થઇ રહ્યો છે.
સુષ્મિતાએ આઠ મિનીટ લાંબો વિડીયો શેર કર્યો છે જેમાં તે દીકરીઓ સાથે ડાન્સ કરી રહી છે. સુષ્મિતાનો આ વિડીયો સોશિયલ મીડિયામાં ધૂમ મચાવી રહ્યો છે. લોકો તેમની અને તેમની દીકરીઓનાં ખુબ વખાણ કરી રહ્યા છે.
સુષ્મિતા અને દીકરીઓ ડાન્સ કરી રહ્યા છે ત્યાં સુષ્મિતાનાં બોયફ્રેન્ડ રોહમન દૂર બેસીને આ ડાન્સ નિહાળી રહ્યા છે. કેમેરા સામે આવતા જ રોહમન હસવાં લાગે છે.
નોંધનીય છે કે આ પહેલાં પણ સુષ્મિતાએ ઘણી વખત વિડીયો અને ફોટો પોસ્ટ કર્યા છે જેમાં ચારેય વર્કઆઉટ કરતા નજરે પડતા હોય છે.
સુષ્મિતા પોતે ફિટનેસને લઈને ખુબ જ સતર્ક રહે છે અને લોકોને પ્રોત્સાહન પૂરું પાડવા તેના વિડીયો અને ફોટો પોસ્ટ કરતી હોય છે.
ઘણા સમયથી સુષ્મિતા પોતાના પ્રેમ સંબંધને લઈને લાઈમલાઈટમાં રહે છે. રોહમન અને સુષ્મિતાની રિલેશનશિપ બોલીવૂડમાં ખુબ પોપ્યુલર છે. બંને એકબીજા સાથે જયારે વિડીયો અને ફોટો પોસ્ટ કરે ત્યારે તરત જ સોશિયલ મીડિયામાં વાયરલ થઇ જાય છે.