વર્ષ 2018થી લઈને 2021 સુધી સુષ્મિતા સેન અને રોહમન શોલ વચ્ચે અફેરની ચર્ચાએ ઘણું જોર પકડયું હતું
સુષ્મિતા સેન અને IPL પૂર્વ ચેરમેન લલિત મોદી એકબીજાને ડેટ કરી રહ્યા છે
લલીત મોદી પહેલા સુષ્મિતા સેન ઘણા લોકોને ડેટ કરી ચૂકી છે
રોહમન સુષ્મિતા સેનના 11 માં બોયફ્રેન્ડ હતા
અભિનેત્રી સુષ્મિતા સેન અને IPL પૂર્વ ચેરમેન લલિત મોદી એકબીજાને ડેટ કરી રહ્યા છે એ ખબર બહાર આવતાની સાથે જ સોશ્યલ મીડીયામાં લોકો બંને વિશે જ વાતો કરી રહ્યા છે. એમના લગ્ન થઈ ગયા છે એવી અફવા પણ ફેલાવવા લાગી હતી પણ આ વાતનું ખંડન કરતાં લલીત મોદીએ ટ્વીટ કરી લખ્યું હતું કે '' હું સ્પષ્ટતા કરવા માંગુ છું કે અમે બંને એક બીજાને ડેટ કરી રહ્યા છીએ. હજુ સુધી લગ્ન નથી કર્યા, હા પણ થોડા જ સમયમાં લગ્ન કરી શકીએ છીએ. "
સુષ્મિતા સેન એક વંડર વુમન કહેવાય છે જેને તેના લાઈફમાં સપોર્ટ માટે કોઈ વ્યક્તિની જરૂર પડતી નથી. સુષ્મિતા એ લગ્ન વિના જ બે દીકરીઓને દત્તક લઈ લીધી છે જેને કારણે લોકો હંમેશા એમની પ્રસંશા કરે છે. પણ બીજી તરફ સુષ્મિતા સેનના અફેર્સની ચર્ચા પણ ઘણો જોર પકડતી રહે છે. લલીત મોદી પહેલા સુષ્મિતા સેન કેટલા લોકોને ડેટ કરી ચૂકી છે ચાલો જાણીએ..
વિક્રમ ભટ્ટ
સુષ્મિતા સેન અને વિક્રમ ભટ્ટના સંબંધોની શરૂઆત દસ્તક ફિલ્મના શૂટિંગ દરમિયાન થઈ હતી. સુષ્મિતા સેન સાથેના અફેરના સમાચારથી વિક્રમ ઘણા પરેશાન રહેતા હતા. કારણકે કે તે પહેલાથી જ લગ્નના બંધનમાં બંધાઈ ગયા હતા. એ કારણે સુષ્મિતા સેન સાથે એમનો સંબંધ લાંબો ચાલી શક્યો નહતો.
વસીમ અક્રમ
સુષ્મિતા સેન અને વસીમ અક્રમનો અફેર પણ ઘણો ચર્ચામાં રહ્યો હતો. પાકિસાતની ક્રિકેટર વસીમ અક્રમ સાથે એમની પહેલી મુલાકાત એક ટીવી શો દરમિયાન થઈ હતી પણ બંનેનો આ સંબંધ પણ લાંબો ચાલી શક્યો નહતો. વસીમના શકિલા સ્વભાવને કારણે સુષ્મિતા સેને તેની સાથે બ્રેકઅપ કરી લીધું હતું.
રણદીપ હુડ્ડા
સુષ્મિતા સેન અને રણદીપ હુડ્ડાના અફેરની ખબર પણ એક સામે ચાલી હતી એ બંને ફિલ્મ કર્મા અને હોલી ની શૂટિંગ દરમિયાન એકબીજાની નજીક આવ્યા હતા. બંનેએ લગભગ ત્રણ વર્ષ સુધી ડેટ કર્યું હતું.
ઋતિક ભસીન
2015ની આસપાસ સુષ્મિતા સેન એક રેસ્ટોરન્ટના માલિક ઋતિક ભસીન સાથે પ્રેમમાં પડી હતી એ સમાચાર બહાર આવ્યા હતા. પણ 2017માં બંનેનું બ્રેકઅપ થઈ ગયું હતું.
મુદ્દસર અજિજ
ડિરેક્ટર મુસદ્દર અજિજનું પણ સુષ્મિતા સેન સાથે અફેર રહ્યું હતું. સુષ્મિતા સેન મુદ્દસર અજિજ સાથે ફિલ્મ દુલ્હા મિલ ગયામાં કામ કર્યું હતું જો કે ફિલ્મ પછી બંનેના અફેરની ખબરે ઘણું જોર પકડયું હતું જે પછી મુદ્દસરના પરિવારને પસંદ નહતું આવ્યું અને બંનેનું બ્રેકઅપ થઈ ગયું હતું.
બંટી સચદેવ
બંટી સચદેવ એક ટેલેન્ટ કંપનીના માલિક છે અને એ સમયે સુષ્મિતા સેનના મેનેજર પણ રહી ચૂક્યા હતા. એ સમયે બંનેના અફેરની ખબર બહાર આવી હતી.
સંજય નારંગ
હોટલ ચેનના માલિક સંજય નારંગ અને સુષ્મિતા સેન ઘણી વખત એકબીજા સાથે જોવા મળ્યા હતા. પણ કોઈ કારણોસર બંનેનું બ્રેકઅપ થઈ ગયું હતું.
રોહમન શોલ
વર્ષ 2018થી લઈને 2021 સુધી સુષ્મિતા સેન અને રોહમન શોલ વચ્ચે અફેરની ચર્ચાએ ઘણું જોર પકડયું હતું. જો કે રોહમન સુષ્મિતા સેન કરતાં 15 વર્ષ નાના હતા. એવું માનવામાં આવી રહ્યું હતું કે રોહમન સુષ્મિતા સેનના 11 માં બોયફ્રેન્ડ હતા.
હાલ લલીત મોદી અને સુષ્મિતા સેન એકબીજાને ડેટ કરી રહ્યા છે એ ખબર બહાર આવી છે.