સિદ્ઘિ / લિમ્કા બુક ઑફ વર્લ્ડ રેકોર્ડમાં સુષમા અને તેમના પતિનું નામ છે દાખલ

સુષમા અને તેમના પતિ સ્વરાજ કૌશલે નાની ઉંમરમાં ઘણી ઉપલબ્ધિઓ મેળવી જે કારણે લિમ્કા બુક ઑફ વર્લ્ડ રેકોર્ડમાં તેમનુ નામ છે. માત્ર 25 વર્ષની ઉંમરમાં હરિયાણા સરકારમાં સૌથી યુવા કેબિનેટ મંત્રી બનનારી સુષમા સ્વરાજનું રાજનીતિક જીવન ઉપલબ્ધિથી ભર્યુ રહ્યુ. પ્રધાનમંત્રી નરેન્દ્ર મોદી, અમિત શાહ સહિત દેશ-વિદેશના તમામ નેતાઓએ તેમના નિધન પર દુખ વ્યક્ત કર્યુ છે. 

સ્વરાજ કૌશલ:

સુષમા સ્વરાજના પતિ સ્વરાજ કૌશલ સમાજવાદી કેમ્પથી જોડાયેલા છે, તેઓ સુપ્રીમ કોર્ટના વકીલ છે. દેશમાં સૌથી નાની ઉંમરમાં રાજ્યપાલ બનવાનો રેકોર્ડ તેમના નામે છે. માત્ર 38 વર્ષની ઉંમરમાં તેઓ મિઝોરમના રાજ્યપાલ બન્યા હતા. સ્વરાજ કૌશલ 1990થી 1996 વચ્ચે રાજ્યપાલ રહ્યા. વાસ્તવમાં સ્વરાજ કૌશલ ભારતમાં નોર્થ ઇસ્ટ મામલાઓના જાણકાર છે. 1979માં તેમણે અન્ડરગ્રાઉન્ડ મિજો લીડર લાલડેંગાની જેલમાંથી છૂટ કરાવી હતી. આ પછી સરકારની સાથે સમજૂતી વાર્તા માટે તેમણે અંડરગ્રાઉન્ડ મિજો નેશનલ ફ્રન્ટના સંવૈધાનિક સલાહકાર બનાવવામાં આવ્યા.

ઘણા રાઉન્ડમાં વાતચીત કર્યા પછી મિઝોરમ શાંતિ સમજૂતી અસ્તિત્વમાં આવી અને 20 વર્ષથી ચાલતા આવતા વિદ્રોહનો અંત આવ્યો. આ જ કારણથી ઇનામ તરીકે તેમણે પ્રદેશના ગર્વનર બનાવ્યા હતા. એક વખત તેઓ હરિયાણાના રાજ્યસભાના સભ્ય પણ રહ્યા. હિમાચલ પ્રદેશ સહિત સોલનમાં 1952માં તેમનો જન્મ થયો. 1975માં તેમણે સુષમા સ્વરાજની સાથે લગ્ન કર્યા.

 પહેલા મહિલા તરીકે સુષમાના નામે ઘણા રેકોર્ડ્સ:

તો બીજી તરફ સુષમા સ્વરાજે પોતાના રાજનીતિક જીવનમાં ઘણી ઉપલબ્ધિઓ મેળવી. સુષ્મા સ્વરાજ દિલ્હીના પહેલા મુખ્યમંત્રી રહ્યા. આ સિવાય તેઓ દેશના પહેલા પૂર્ણકાલિક વિદેશ મંત્રી રહ્યા. આ સિવાય, તેમના નામે પહેલા મહિલા સર્વશ્રેષ્ઠ સાંસદ, કોઇ પણ રાષ્ટ્રીય રાજનીતિક દળના પહેલા મહિલા પ્રવક્તા, માત્ર 25 વર્ષમાં હરિયાણા સરકારમાં કેબિનેટ મંત્રી બનવા જેવા રેકોર્ડ તેમના નામે છે. પતિ અને પત્ની બંનેની ઉપલબ્ધિઓને કારણે દુનિયાભરના રેકોર્ડ માટે સૌથી ચર્ચિત લિમ્કા બુક ઑફ વર્લ્ડ રેકોર્ડ્સમાં તેમનુ નામ છે.