સુશાંતના મોત બાદ એક પછી એક નવા વળાંક આવતા જાય છે. રિયા ચક્રવર્તીએ આપેલા ઇન્ટરવ્યૂમાં તેણે કહ્યું હતું કે 8 તારીખે તેના ગયા બાદ સુશાંતની બહેન મિતૂ તેના ઘરે હતી. 8થી 14 સુધી તે જ ઘરમાં રોકાઇ હતી. જેના વિશે સુશાંતની બહેન મિતૂએ ખુલાસો કર્યો છે.
રિયાના ઇન્ટરવ્યૂ બાદ સામે આવી મિતુ
8 થી 14 વચ્ચે શું થયુ હતુ જણાવ્યું
સુશાંતને પંખેથી નીચે ઉતારી લેવામાં આવ્યો હતો
8 તારીખે આવ્યો હતો ફોન
અહેવાલમાં જણાવ્યા મુજબ મીતુએ જણાવ્યું હતું કે, 8 જૂન 2020 ની સવારે મારા ભાઈ સુશાંતે મને ફોન કરીને મળવા બોલાવી હતી. હું સાંજે 5:30 વાગ્યે પહોંચી. જ્યારે હું તેને મળવા પહોંચી ત્યારે તે શાંત હતો. જ્યારે મેં પૂછ્યું કે શું થયું, ત્યારે તેણે કહ્યું કે તે લોકડાઉનને કારણે કંટાળી રહ્યો છે. તેણે મને કહ્યું કે જો લોક-ડાઉન પતશે પછી તે દક્ષિણ ભારત જશે.
લૉકડાઉન પછીનુ પ્લાનિંગ
તેણે મને થોડા દિવસ તેની સાથે રહેવાનું કહ્યું. હું થોડા દિવસ રહી. જ્યારે હું સુશાંત સાથે હતી, ત્યારે તેના માટે રસોઈ બનાવતી, તેની સાથે વાત કરતી અને લોકડાઉન પછી દક્ષિણ ભારત વિશે વાત કરતી હતી.
ફોન મેસેજનો જવાબ નહી
12 જૂન 2020ના રોજ મારી પુત્રી ગોરેગાંવમાં એકલી હતી. હું સાંજે 4.30 વાગ્યે ગોરેગાંવમાં મારા ઘરે ગઇ. ઘરે પહોંચતા જ મેં સુશાંતને મેસેજ કર્યો, પરંતુ તેણે મેસેજ કે ફોનનો જવાબ આપ્યો નહોતો. 14 જૂને 10:30 વાગ્યે મેં સુશાંતને ફોન કર્યો પણ તેણે મારો ફોન ઉપાડ્યો નહીં. તેથી મેં તેની સાથે રહેતા સિદ્ધાર્થ પીઠાણીને ફોન કર્યો.
દરવાજો અંદરથી બંધ હતો
સિદ્ધાર્થે કહ્યું કે તેણે સુશાંતને નાળિયેર પાણી અને દાડમનો જ્યુસ આપ્યો છે અને તે સૂઈ રહ્યો છે. તેણે દરવાજો ખટખટાવ્યો પરંતુ દરવાજો અંદરથી બંધ હતો. મેં કહ્યું કે સુશાંત ક્યારેય અંદરથી દરવાજો બંધ કરતો નથી અને ફરીથી દરવાજો ખખડાવવા કહ્યું. મેં તેને કહ્યું હતું કે સુશાંતને કહો કે મેં ફોન કર્યો હતો.
ઘરે પહોંચી તો પલંગ પર હતો સુશાંત
થોડા સમય પછી, સિદ્ધાર્થે મને ફોન કર્યો અને મને કહ્યું કે તેણે સુશાંતનો દરવાજો ઘણી વાર ખખડાવ્યો, પણ તેણે દરવાજો ખોલ્યો નહીં. હવે તે ચાવી બનાવનારને બોલાવવા જઇ રહ્યો છે. સિદ્ધાર્થના ફોન પછી, હું તરત જ ગોરેગાંવથી રવાના થઇ. ટેક્સીથી આવતી વખતે સિદ્ધાર્થનો ફરીથી ફોન આવ્યો અને તેણે કહ્યું, કે દરવાજો ખુલી ગયો છે અને સુશાંત પંખાથી લટકી રહ્યો છે. જ્યારે હું ઘરે પહોંચી, ત્યારે મેં સુશાંતને પલંગ પર સૂતેલો જોયો અને લીલો કુર્તો પંખા સાથે લટકતો હતો.