SSR case / સુશાંત કેસમાં મોટો વળાંક : એક્ટરના મિત્ર સિદ્ધાર્થની NCBએ કરી ધરપકડ 

• સુશાંતના મિત્રની થઇ ધરપકડ 
• સિદ્ધાર્થ પિઠાણીને લવાયો મુંબઇ 
• ડ્રગ્સ કેસમાં સિદ્ધાર્થની ધરપકડ 

 

 

 

 

View this post on Instagram

 

 

 

 

 

 

 

 

 

 

 

A post shared by Siddharth pithani (@pithanisiddharth)

નાર્કોટિક્સ કંટ્રોલ બ્યૂરોની ટીમ સિદ્ધાર્થ પિઠાણીને હૈદરાબાદથી મુંબઇ ધરપકડ કરીને લાવી છે. 

સુશાંત સિંહ રાજપૂત કેસમાં સિદ્ધાર્થ પિઠાણીનું નામ પણ સામે આવ્યું હતુ. પહેલીવાર સુશાંતની બોડીને સિદ્ધાર્થે જ જોઇ હતી. ગયા અઠવાડીયે સિદ્ધાર્થના ફોટા વાયરલ થયા હતા જે તેની સગાઇના હતા. 

એક બાદ એક કેસમાં વળાંક આવ્યા હતા અને સિદ્ધાર્થ પિઠાણી સહિત ઘણા લોકોની પૂછપરછ કરવામાં આવી હતી. સુશાંત કેસની તપાસ હજુ તો પૂરી થઇ નથી પરંતુ તેની ગર્લફ્રેન્ડ રિયા ચક્રવર્તી અને તેના ભાઇ શોવિકની ડ્રગ એન્ગલમાં ધરપકડ થઇ હતી. રિયા એક મહિના માટે જેલમાં રહી હતી અને બાદમાં તેને જામીન પર મુક્ત કરવામાં આવી હતી. 

14 જૂન 2020ના રોજ સુશાંત સિંહ રાજપૂતે તેના બ્રાન્દ્રા સ્થિત ઘરમાં ગળેફાંસો ખાઇને આત્મહત્યા કરી લીધી હતી. જે બાદ તે કેસ ખુબ આગળ વધ્યો હતો. પહેલા તો બોલીવૂડમાં થઇ રહેલા નેપોટીઝમને લઇને તર્ક કરવામાં આવી રહ્યાં હતા. સુશાંત ડિપ્રેશનમાં હતો તેવું કહેવામાં આવી રહ્યું હતુ, જે બાદ મામલો બિચક્યો હતો. 

સુશાંત કેસમાં મોટો વળાંક ત્યારે આવ્યો જ્યારે એક્ટરના પિતાએ તેની ગર્લફ્રેન્ડ રિયા વિરુદ્ધ પટનામાં ફરિયાન નોંધાવી હતી. 1 વર્ષ થવા આવ્યુ પરંતુ સુશાંત કેસ પરથી પરદો ઉઠ્યો નથી. 

સિદ્ધાર્થ પિઠાણીની ધરપકડ બાદ હવે નવું શું સામે આવે છે તે જોવું રહ્યું.