સુશાંત સિંહ રાજપૂત મોત મામલે સીબીઆઇની ટીમ દરેક એન્ગલથી તપાસ કરી રહી છે. જેટલા પણ લોકો સુશાંત સાથે જોડાયેલા છે તે તમામ લોકોની પૂછપરછ કરવામાં આવી રહી છે ત્યારે એક મહત્વનો ખુલાસો થયો છે. જેમાં સુશાંતે તેની ગર્લફ્રેન્ડ રિયા ચક્રવર્તી પાછળ કેટલા રૂપિયા ખર્ચ કર્યા છે તે સામે આવ્યું છે.
સુશાંતના બેન્ક એકાઉન્ટને લઇને આવ્યા સમાચાર
સુશાંતે રિયા અને શોવિક પાછળ વાપર્યા હતા પૈસા
રિયાના ઇન્ટરવ્યૂ અને તથ્ય એક સમાન નહી
સુશાંતના નાણાકીય લેણદેણ પર તપાસ કરી રહેલ ઓફિસર નમ્રતા કનોડિયાએ જણાવ્યું છે કે સુશાંત સિંહ રાજપૂતના ખાતામાંથી છેલ્લા 10 મહિનામાં 4.5 કરોડ કરતા વધુ રૂપિયાની લેવડદેવડ થઇ છે. આ રૂપિયા પ્રવાસ, આરામદાયક લાઇફ સ્ટાઇલ અને આધ્યાત્મિક પ્રાર્થનાઓ પાછળ વપરાયા છે. સૌથી મોટી વાત તો એ છે કે આ રૂપિયાનો સૌથી મોટો હિસ્સો રિયા અને તેના ભાઇ શોવિક પાછળ વપરાયો છે.
કનોડિયાએ જણાવ્યું કે, જ્યારે તે લોકોએ મુંબઇમાં સુશાંતના એકાઉન્ટનું વિશ્લેષણ કર્યુ તેમાં સામે આવ્યું કે આ ખર્ચ રિયા અને તેના ભાઇ પાથળ કરવામાં આવ્યો છે. આ રૂપિયામાંથી પ્રવાસ પાછળ 42 લાખ રૂપિયા, ફાર્મહાઉસ પર 33 લાખ રૂપિયા અને વ્યક્તિગત ખર્ચ પાછળ 1.1 કરોડ રૂપિયા ખર્ચવામાં આવ્યા હતા.
રિયા અને તેના ભાઇ પાછળ 9.5 લાખ રૂપિયા ખર્ચવામાં આવ્યા હતા, જેમાંથી ફ્લાઇટ ટિકીટ પર 1.7 લાખ, શોવિકની હોટલ પાછળ 4.72 લાખ અને રિયાની શોપિંગ, મેકઅપ અને અન્યચીજો પર 3.4 લાખ રૂપિયા ખર્ચવામાં આવ્યા હતા. રિયાએ જણાવ્યું હતું કે તે અને સુશાંત એક કપલ તરીકે રહેતા હતા પરંતુ તેમની વચ્ચે પૈસાને ળઇને કોઇ લેવડ દેવડ ન હતી.
સુશાંતના CAએ મિડીયાને જણાવ્યું હતુ કે, સુશાંત અને રિયાના ખાતામાં કોઇ મોટુ ટ્રાન્જેક્શન સામે નથી આવ્યુય એકવાર રિયાની માતાએ 33000 રૂપિયા ખાતામાં ટ્રાન્સફર કર્યા હતા.