ખુલાસો / સુશાંત આ ડિસોર્ડરથી પીડાતો હતો, રિયા તેની માતાની જેમ સંભાળ રાખતી હતી : એક્ટરની થેરાપિસ્ટ

• સુશાંત સિંહ આપઘાત કેસમાં સતત વિવાદમાં વધારો 
• રિયા પર લાગી રહ્યા છે વિવિધ ગંભીર આરોપ 
• સુશાંતની થેરેપિસ્ટનો સૌથી મોટો ખુલાસો 

રિયા પર આરોપ છે કે તે સુશાંતને તપાસ વગર જ ડિપ્રેશનની દવા આપતી હતી. જે બાદ આ જ મામલે સુશાંતની થેરેપિસ્ટથી વાતનો દાવો કરવામાં આવ્યો છે જેમાં સુશાંતની થેરેપિસ્ટે માન્યું છે કે રિયા સુશાંતની સૌથી મજબૂત સપોર્ટ હતી. 

સુશાંત ડિપ્રેશનમાં હતા કે નહીં તે મુદ્દે ઘણો વિવાદ ચાલી રહ્યો છે. સુશાંતની એક્સ ગર્લફ્રેન્ડ અંકિતા લોખંડેએ એક ન્યૂઝ ચેનલ પર કહ્યું કે સુશાંત જરાય તણાવમાં ન હતા. જ્યારે હિન્દુસ્તાન ટાઈમ્સના એક અહેવાલમાં કહેવામાં આવ્યું છે કે સુશાંતની થેરેપિસ્ટ તબીબ સુજેન વોકરે સુશાંતના ડિપ્રેશનમાં હોવાની વાત કબૂલી છે. આ અહેવાલ પ્રમાણે સુશાંતની ડોકટરે કહ્યું કે સુશાંત ગંભીર હાલતમાં હતા અને રિયા આ મુશ્કેલ સમયમાં તેમનો સપોર્ટ બની. 

અહેવાલમાં કહેવામાં આવ્યું છે કે ડોક્ટર વોકરે કહ્યું છે કે સુશાંત ડિપ્રેશન અને બૉયપોલર ડીસઓર્ડરથી પીડાઈ રહ્યા હતા. આ સિવાય ડોકટરે સ્વીકાર કર્યું કે રિયા ચક્રવર્તી તેમની સૌથી મોટી સપોર્ટ હતી અને સુશાંતની સારસંભાળ રાખી રહી હતી. પહેલીવાર તે જ્યારે તેમનાથી મળી ત્યારે રિયા જે રીતે સુશાંતનું ધ્યાન રાખતી તે જોઇને ખૂબ પ્રભાવિત પણ થઇ હતી. રિયા જ સુશાંતની બધી એપોઇન્ટમેન્ટ જોતી હતી.