મહત્વનો રિપોર્ટ / સુશાંત સિંહ રાજપૂતની હત્યા કે આત્મહત્યા? આ રહસ્ય પરથી ઉઠશે પડદો, આજે આવશે વિસેરા રિપોર્ટ

• રિપોર્ટમાં સ્પષ્ટ થશે કે સુશાંતને ઝેર આપવામાં આવ્યુ હતું કે નહીં
•  રિપોર્ટ 20 ટકા વિસેરાની તપાસ પર તૈયાર કરવામાં આવ્યો 
•  એમ્સના ડૉક્ટરોની પેનલ સુશાંતની મોતની હકિકત પર ફાઈનલ મીટિંગ કરશે

વિસેરા રિપોર્ટમાં સ્પષ્ટ થશે કે સુશાંતને ઝેર આપવામાં આવ્યુ હતું કે નહીં. આ પહેલા ક્લીના ફોરેન્સિકે પોતાના રિપોર્ટમાં વિસેરા રિપોર્ટને નેગેટિવ ગણાવ્યો હતો. ઉલ્લેખનીય છે કે ફરી સામે આવનારા આ રિપોર્ટ 20 ટકા વિસેરાની તપાસ પર તૈયાર કરવામાં આવ્યો છે.  મુંબઈ પોલીસ 80 ટકા વિસેરા પોતાની તપાસમાં વાપરી શક્યા છે.

મીડિયા રિપોર્ટ મુજબ આ કેસમાં આગળની રણનીતિ નક્કી કરવા નૂપુર પ્રસાદ, અનિલ યાદવ અને અન્ય વરિષ્ઠ અધિકારીની વચ્ચે બેઠક કરવામાં આવશે. નૂપુર પ્રસાદ અને અનિલ યાદવ પોતાના વરિષ્ઠ અધિકારીઓને આ મામલે સાક્ષી અને 22 ઓગસ્ટ સુધી દાખલ કરવામાં આવેલા નિવેદનો વિશે જાણકારી આપશે. એમ્સના ફોરેન્સિક એક્સપર્ટ ડૉ. સુધીર ગુપ્તાના નેતૃત્વમાં એક પેનલ રવિવારે મહત્વની બેઠક કરશે. જેમાં સુશાંત સિંહ રાજપૂતની ઓટોપ્સી રિપોર્ટ અને વિસેરા રિપોર્ટ પર ચર્ચા થશે. આ બાદ આ પેનલ સુશાંતના મોત પર છેલ્લી સલાહ આપશે.

ઉલ્લેખનીય છે કે તેના પરિવારજનોનો આક્ષેપ છે કે તેમનો દિકરો સુસાઈડ ન કરી શકે. એક્ટરની હત્યા થઈ હોવાની શંકા વ્યક્ત કરી છે. તેના પિતાએ રિયાને હત્યા માટે જવાબદાર ગણાવી છે. આ રિપોર્ટ ખુબ મહત્વનો સાબિત થશે.