સુશાંત સિંહ રાજપૂતનું શરીર પંચમહાભૂતમાં વિલીન થઇ ગયું છે. હવે આ સિતારો હંમેશા માટે આપણા બધાથી દૂર જતો રહ્યો પણ જતા જતા પોતાની પાછળ ઘણી બધી યાદો અને સવાલ મૂકીને ગયો
અંતિમ વિધિની તૈયારીઓ શરુ
અંતિમ વિધિ સમયે મુશળધાર વરસાદ
શ્રદ્ધા કપૂર અને આદિત્ય રોયકપૂર અને કૃતિ સેનને આપી અંતિમ વિદાય
સુશાંત સિંહ રાજપૂતનું શરીર પંચમહાભૂતમાં વિલીન થઇ ગયું છે. તેમને અંતિમ વિદાય આપવા તેમના પરિવારની સાથે સાથે બોલિવૂડના કલાકારો પણ ત્યાં ઉપસ્થિત રહ્યા જેમાં રિયા ચક્રવર્તી, કૃતિ સેનન, વિવેક ઓબેરોય જેવા કલાકારોના નામ છે. વિલે પાર્લે સેવા સમાજ શ્મશાન ઘાટમાં તેમને અંતિમ વિદાય અપાવામાં આવી.
અંતિમ વિધિ દરમિયાન જ જાણે પ્રકૃતિ પણ આંસુ વહાવી રહી હોય તેમ ઘનઘોર વાદળા છવાઈ ગયા અને ધોધમાર વરસાદ વરસ્યો. શ્મશાનની આસપાસ ચાહકોની ભારે ભીડ હતી અને વરસાદના કારણે રોડ પર જબરદસ્ત ટ્રાફિક જામ થઇ ગયો.
વરસાદ વચ્ચે પોલીસ જવાનો પણ છત્રીઓ લઈને સુરક્ષા માટે તૈનાત રહ્યા અને ચાહકોને અંદર જવાથી રોક્યા. સુશાંત સિંહના કરિયરની શરૂઆત ટીવીથી જ થઇ હતી. એવામાં ટીવી ઈંડસ્ટ્રીના કલાકારો પણ સ્મશાન પહોંચ્યા, અર્જુન બિજલાનીએ સ્મશાન પહોંચી અંતિમ વિદાય આપી.
સુશાંતના પિતા પોતાના કાળજાના કટકાને લઇને અંતિમવિધી માટે પહોંચ્યા હતા. સમગ્ર પરિવાર હાલ સ્મશાનમાં હાજર રહ્યો. સુશાંતના પરિવારજાણો બાંદ્રાના ઘરેથી સ્મશાન પહોંચી ગયા છે. સુશાંતની અંતિમ વિધિમાં માત્ર 20 જ લોકોને સામેલ થવાની વાત કહેવામાં આવી હતી. અંતિમ વિધિ બાદ સુશાંતના પિતા અને પરિવારજનો મીડિયા સાથે વાતચીત કરશે. એક્ટરના પિતા અને પિતરાઈ ભાઈ શબ લેવા કૂપર હોસ્પિટલ ગયા હતા. અંતિમ વિધિની તૈયારીઓ શરુ કેરી દેવામાં આવી છે.