બોલિવૂડ અભિનેતા સુશાંત સિંહ રાજપૂતના મોતની તપાસ કરી રહેલી સીબીઆઈ ટીમની સામે સુશાંતના ફ્લેટમેટ સિદ્ધાર્થ પિઠાનીએ મોટો ખુલાસો કર્યો છે. સીબીઆઈને માહિતી આપતા સિદ્ધાર્થે જણાવ્યું કે, દિશા સાલિયાનના મોતના સમાચાર સાંભળ્યા બાદ સુશાંત બેહોશ થઈ ગયો હતો. તે પછી જ્યારે તેને હોશ આવ્યો ત્યારે સુશાંતે કહ્યું કે તે લોકો મને પણ મારી નાખશે. પિઠાનીના આ નિવેદનના આધારે સીબીઆઈ સુશાંત અને દિશાની મોત વચ્ચે કનેક્શન હોવાનું માની રહી છે.
સુશાંતના કેસમાં રોજ નવા ખુલાસા
હવે તેના ફ્લેટમેટે જણાવી ચોંકાવનારી વાત
દિશાની મોતના સમાચાર સાંભળી બેહોશ થઈ ગયો હતો સુશાંત
તમને જણાવી દઈએ કે 8 જૂને સુશાંત સિંહ રાજપૂતની પૂર્વ મેનેજર દિશા સાલિયાને તેના ફ્લેટ પરથી કૂદીને પોતાનો જીવ આપ્યો હતો, જ્યારે સુશાંતનો મૃતદેહ 14 જૂને મુંબઇ સ્થિત તેના ઘરે લટકતો મળ્યો હતો. સિદ્ધાર્થ પિઠાનીએ સીબીઆઈને કહ્યું કે, 8 જૂનના રોજ દિશાની મૃત્યુ બાદ સુશાંત ખૂબ જ પરેશાન થઈ ગયો હતો. તેની હાલત સારી નહોતી. દિશાના મૃત્યુ પછી સુશાંતને તેના જીવનું જોખમ લાગી રહ્યું હતું. સિદ્ધાર્થએ જણાવ્યું કે સુશાંતે તેને પોતાની સુરક્ષા વધારવાની વાત પણ કહી હતી. સિદ્ધાર્થના આ નિવેદનથી સીબીઆઈને લાગે છે કે દિશા સાથે સંબંધિત કોઈ રહસ્ય સુશાંત જાણતો હતો, તેથી જ તે ખૂબ ડરી ગયો હતો.
સિદ્ધાર્થ પિઠાનીએ સીબીઆઈને જણાવ્યું છે કે દિશાની મૃત્યુ બાદ સુશાંત તેનો લેપટોપ, કેમેરો અને હાર્ડ ડ્રાઈવ શોધી રહ્યો હતો. આ પછી સુશાંતે રિયાને ઘણીવાર ફોન કર્યો પણ તેણે ફોન ઉપાડ્યો નહીં. આ પછી સુશાંત વધુ પરેશાન થઈ ગયો કારણ કે રિયા સુશાંતનો દરેક પાસવર્ડ જાણતી હતી. 8 જૂને રિયા સુશાંતનું ઘર છોડીને જતી રહી હતી. સુશાંતને ડર હતો કે રિયા તેના બધાં પાસવર્ડ જાણે છે, જેથી તે અન્ય લોકોની સાથે તેને પણ ફસાવી શકે છે.
નાર્કોટિક્સ ક્રાઇમ બ્યુરોએ મોટો ખુલાસો કર્યો
સુશાંત સિંહ રાજપૂતના મોત મામલે ડ્રગ્સ કેસની તપાસ કરી રહેલી નાર્કોટિક્સ ક્રાઇમ બ્યુરો (એનસીબી) ની સામે રિયા ચક્રવર્તીએ સારા અલી ખાન, રકુલપ્રીત સિંહ અને સિમોનના નામ આપ્યા છે. તેની પુષ્ટિ એનસીબી દ્વારા જ કરવામાં આવી છે. એનસીબીનું કહેવું છે કે આ લોકોને હજી સમન્સ મોકલવામાં આવ્યા નથી. તપાસ કરતાં એનસીબીની ટીમ એક ટાપુ પર સુશાંતના ફાર્મહાઉસ પહોંચી છે. અહીં એનસીબી ટીમે એક વ્યક્તિનું નિવેદન પણ નોંધ્યું છે. તે વ્યક્તિએ જણાવ્યું છે કે રિયા ચક્રવર્તી સુશાંત સાથે આ ફાર્મહાઉસમાં ઘણીવખત આવી હતી. સુશાંત અહીં મિત્રો સાથે પાર્ટી કરતો હતો.