સુશાંત સિંહ રાજપૂતની મોટી બહેન મીતુ સિંહે ફિલ્મ બ્રહ્માસ્ત્રને લઈને સોશિયલ મીડિયા પર પોસ્ટ શેર કરીને બોલિવૂડ પર કટાક્ષ કર્યો હતો.
સુશાંત સિંહ રાજપૂતની મોટી બહેનનો બ્રહ્માસ્ત્ર પર કટાક્ષ
સુશાંતનું બ્રહ્માસ્ત્ર જ બોલિવૂડને બરબાદ કરવા માટે પૂરતું હતું
શેર કરી સુશાંતની ફોટો
બોલિવૂડ એક્ટર રણબીર કપૂર અને આલિયા ભટ્ટની ફિલ્મ બ્રહ્માસ્ત્ર રિલીઝ થઈ ગઈ છે અને ફિલ્મને બોક્સ ઓફિસ પર જબરદસ્ત રિસ્પોન્સ મળી રહ્યો છે. અયાન મુખર્જીની ફિલ્મ બ્રહ્માસ્ત્ર એ પહેલા દિવસે લગભગ 36 કરોડનું કલેક્શન કર્યું હતું. આ આંકડો અહીં નથી અટકતો પણ બીજા દિવસે આનાથી પણ વધુ વધે છે. એક મીડિયા રિપોર્ટ અનુસાર બ્રહ્માસ્ત્ર એ બીજા દિવસે 41.25 થી 43.25 કરોડનું કલેક્શન કર્યું છે. આ સાથે ઘરેલુ બોક્સ ઓફિસ પર તમામ ભાષાઓમાં મળીને કુલ 79 કરોડની કમાણી કરી છે. ફિલ્મની કમાણીમાં બીજા દિવસે લગભગ 20 ટકાનો ઉછાળો દેખાયો હતો.
સુશાંત સિંહ રાજપૂતની મોટી બહેનનો બ્રહ્માસ્ત્ર પર કટાક્ષ
હાલ જ સુશાંત સિંહ રાજપૂતની મોટી બહેન મીતુ સિંહે ફિલ્મ બ્રહ્માસ્ત્રને લઈને સોશિયલ મીડિયા પર પોસ્ટ શેર કરીને બોલિવૂડ પર કટાક્ષ કર્યો હતો. સુશાંત રાજપૂતની મોટી બહેન મીતુએ તેના ભાઈનો ફોટો શેર કરતા લખ્યું હતું કે, "સુશાંતનું બ્રહ્માસ્ત્ર જ બોલિવૂડને બરબાદ કરવા માટે પૂરતું હતું. બોલિવૂડ હંમેશા લોકો પર રાજ કરવા માંગતું હતું. બૉલીવુડ બીજાના સમ્માન અને નમ્રતા જેવી બાબતો માટે ક્યારેય નથી અટકતું. "
શેર કરી સુશાંતની ફોટો
મીતુએ આગળ લખ્યું હતું કે 'આપણે આવા લોકોને આપણા દેશનો ચહેરો કેવી રીતે બનાવી શકીએ જએ નૈતિક મૂલ્યોથી સમૃધ્ધ છે? જનતાનો પ્રેમ જીતવાના એ લોકોના દેખાડા નિષ્ફળ જઈ રહ્યા છે. ગુણો અને નૈતિક મૂલ્યો જ એવી વસ્તુઓ છે જે તમને પ્રશંસા અને આદર અપાવશે.' મીતુ સિંહે તેના ભાઈ સુશાંત સિંહ રાજપૂતની તસવીર શેર કરતાં આ પોસ્ટ લખી હતી અને એમની આ પોસ્ટ પર ફેન્સ ઘણી કોમેન્ટ કરી રહ્યા છે.