નિવેદન / આખરે સુશાંત સિંહના મોતનો સમય આવ્યો સામે, કૂપર હોસ્પિટલના ડૉક્ટરનો મોટો દાવો

• સુશાંતની મોત બાદ મોટો ખુલાસો
• કૂપર હોસ્પિટલમાં થયુ હતુ પોસ્ટમોર્ટમ
• 12 કલાક પહેલા થયુ હતુ મોત

સુશાંત કેસમાં સીબીઆઇ તપાસનો ચોથો દિવસ છે. આજના દિવસની તપાસને મહત્વની માનવામાં આવે છે. કહેવામાં આવી રહ્યું છે કે, આજે રિયા ચક્રવર્તી સાથે પૂછપરછ કરી શકે છે. તો બીજી તરફ રિયાના વકીલે દાવો કર્યો છે કે રિયા કે તેના પરિવારને કોઇ પણ પ્રકારનું સમન પાઠવવામાં નથી આવ્યું. 

રિપોર્ટમાં કહેવામાં આવ્યું છે કે,સુશાંતના મૃત્યુના સમયે તેના રુમમાં એક કુર્તો હતો તેની તપાસ કરવામાં આવી તો તે કુર્તો 200 કિલો વજન ખમી શકે છે. તે ફાયબરની તપાસ અને સુશાંતના ગળા પર મળેલા ફાયબર એક જ છે કે કેમ તેની પણ તપાસ કરવામાં આવશે. 

તમને જણાવી દઇએ કે, સુશાંતના પોસ્ટમોર્ટમ રિપોર્ટમાં તેની મોતનો શું સમય હતો તેનો ઉલ્લેખ કરવામાં નહોતો આવ્યો, હવે આ રિપોર્ટ પર પોતાની ટિપ્પણી આપવા માટે 4 ડૉક્ટર્સની ટીમ બનાવવામાં આવી છે. આ 4 ડૉક્ટર રિપોર્ટ તપાસીને પોતાનો ફાયનલ રિપોર્ટ સબમિટ કરાવશે.