બોલિવૂડ અભિનેતા સુશાંત સિંહ રાજપૂતની મોત બાદથી સોશિયલ મીડિયા પર બસ સુશાંતની જ ચર્ચા થઈ રહી છે. સુશાંતે 14 જૂને આત્મહત્યા કરી લેતા બધાંને આઘાત લાગ્યો હતો. સુશાંતની મોત બાદથી જ તેના ઘણાં વીડિયો અને ફોટોઝ સોશિયલ મીડિયા પર વાયરલ થઈ રહ્યાં છે. ત્યારે હાલમાં જ તેનો એક ખૂબ જ ઈમોશનલ વીડિયો વાયરલ થઈ રહ્યો છે. આ વીડિયોમાં સુશાંત એક વૃદ્ધ મહિલાના આશીર્વાદ લેતો જોવા મળી રહ્યો છે.
સુશાંતની મોત બાદથી સોશિયલ મીડિયા પર તેની જ ચર્ચા
સુશાંતના ફોટોઝ અને વીડિયો થઈ રહ્યાં છે વાયરલ
સુશાંતનો એક ખૂબ જ ઈમોશનલ વીડિયો થઈ રહ્યો છે વાયરલ
હકીકતમાં હાલમાં જ સોશિયલ મીડિયા પર સુશાંતનો એક વીડિયો શેર કરવામાં આવ્યો છે. આ વીડિયોમાં તે એક વૃદ્ધ મહિલાની સામે જમીન પર બેઠેલો જોવા મળી રહ્યો છે. આ મહિલા વ્હીલચેર પર બેઠી છે અને સુશાંત તેમનો હાથ પકડીને ચૂમી રહ્યો છે. તો તે વૃદ્ધ મહિલા સુશાંતના માથે પ્રેમથી હાથ ફેરવતા જોવા મળી રહ્યાં છે. આ વીડિયો ત્યારનો છે જ્યારે સુશાંત એક વૃદ્ધાશ્રમ ગયો હતો.
સુશાંત એક એક્ટર હોવાની સાથે એક નેક દિલ વ્યક્તિ હતો. તે લોકોની મદદ માટે હમેશાં તૈયાર રહેતો હતો. સુશાંતનો આ વીડિયો જોઈને ફેન્સ ભાવુક થઈ રહ્યાં છે. આ વીડિયોને સોશિયલ મીડિયા પર જોરદાર પ્રતિક્રિયા મળી રહી છે. લોકો સુશાંતના ઈમોશનલ નેચરને યાદ કરી રહ્યાં છે અને ઈશ્વર તેની આત્માને શાંતિ આપે એવી પ્રાર્થના કરી રહ્યાં છે.
ઉલ્લેખનીય છે કે, આ પહેલાં પણ એક વૃદ્ધ કો-સ્ટાર સાથે સુશાંતનો ડાંસ કરત વીડિયો ખૂબ જ વાયરલ થયો હતો. આ વીડિયોમાં સુશાંત તેની છેલ્લી ફિલ્મ દિલ બેચારાની કો-સ્ટાર દાદી એટલે કે સુબ્બાલક્ષ્મીની સાથે ફિલ્મ કાઈ પો છેના સોન્ગ પર ડાંસ કરતાં જોવા મળી રહ્યો હતો.