સુશાંતસિંહ રાજપૂત કેસ દરરોજ નવા-નવા વણાંકો આવી રહ્યા છે. હાલ અભિનેત્રી રિયા ચક્રવર્તીની પૂછપરછ NCB દ્વારા કરવામાં આવી રહી છે તો તેના ભાઇ શોવિક અને સુશાંતના મેનેજર મિરાન્ડાની ધરપકડ કરવામાં આવી છે ત્યારે ગુજરાત કોંગ્રેસ વધુ એક ચોંકાવનારો ખુલાસો કર્યો છે.
સુશાંતસિંહ રાજપૂતના કેસ મામલે ગુજરાત કોંગ્રેસનો મોટો ખુલાસો
સુશાંતસિંહના મિત્ર સંદિપસિંહની કંપનીને ગુજરાત સરકાર સાથે કર્યા છે MoU
પ્રાપ્ત થતી જાણકારી પ્રમાણે, સુશાંતસિંહ રાજપૂત કેસમાં સંદિપ સિંહની શંકાસ્પદ ભૂમિકાને લઇ સવાલો ઉઠી રહ્યા છે. ત્યારે ગુજરાત કોંગ્રેસે સંદિપસિંહની કંપનીને લઇ મોટો ખુલાસો કર્યો છે. કોંગ્રેસે કહ્યું કે સંદિપસિંહની કંપની સાથે ગુજરાત સરકારે MoU કર્યા હતા.
લીજેન્ડ ગ્લોબલ નામની કંપનીએ કર્યા કરાર
નોંધનીય છે કે, સંદિપ સિંહની કંપની લીજેન્ડ ગ્લોબલ નામની કંપની સાથે ગુજરાત સરકારે 177 કરોડના MoU કર્યા હતા. આ કંપનીમાં વિવેક ઓબોરોય માત્ર 3 દિવસ માટે ડિરેક્ટર હતા.
ગુજરાત કોંગ્રેસે સવાલ ઉઠાવ્યા
ત્યારે ગુજરાત કોંગ્રેસે સવાલ ઉઠાવ્યા છે કે જો કંપની ખોટમાં હતી તો 177 કરોડના MoU કેમ કરાયા?. કોંગ્રેસે કહ્યુ કે રાજ્યના પ્રવાસન અને ફિલ્મના બ્રાન્ડિંગ માટે MoU થયા હતા. અને સંદીપસિંહને વિશેષ મદદ પણ કરાઇ હતી. ત્યારે કોંગ્રેસ સવાલ કર્યો કે ભાજપ સંદિપ સિંહના સંબંધ અંગે કેમ મૌન છે?.