સુશાંત સિંહ રાજપૂતની મોત બાદ તે ઘણાં સવાલો પાછળ છોડીને ગયો છે. સુશાંતની મોતને હવે 1 મહિનો થવાનો છે. તેમ છતાં હજી પણ સોશિયલ મીડિયા પર ચર્ચાઓ ચાલી રહી છે. ત્યારે લોકો તેની મોતના કેસમાં સીબીઆઈ તપાસની માંગ કરી રહ્યાં છે. આ દરમિયાન સુશાંતની બહેન શ્વેતા સિંહ કીર્તિએ એક ઈમોશનલ વીડિયો શેર કર્યો છે. જેને જોઈને તમારી આંખો આંસુ આવી જશે.
સુશાંતની મોતના આઘાતમાંથી હજી લોકો બહાર નથી આવી શકી રહ્યાં
તો હવે તેની બહેન શ્વેતાએ ભાઈનો એક વીડિયો કર્યો શેર
શ્વેતા સિંહ કીર્તિએ શુક્રવારે તેના ઈન્સ્ટાગ્રામ એકાઉન્ટ પર ભાઈ સુશાંતનો એક વીડિયો શેર કર્યો છે. તેમાં સુશાંતની કેટલીક ક્લિપ કંપાઈલ કરવામાં આવી છે. વીડિયોમાં સુશાંત વાંચતા, ટેબલ ટેનિસ રમતા, લોકો સાથે પ્રેન્ક કરતા, વર્કઆઉટ કરતા, ડોગી ફઝ સાથે રમતા જોવા મળી રહ્યો છે. આ વીડિયો શેર કરતા શ્વેતાએ લખ્યું-ક્યૂટી પાઈ, સપનાઓથી ભરેલી આંખો સાથે દુનિયામાં મારો સૌથી સારો બેબી.
શ્વેતાએ તેની દિકરી સાથે પણ સુશાંતની તસવીર શેર કરી હતી
શ્વેતા તેના પતિ વિશાલ કીર્તિ સાથે યૂએસમાં રહે છે. તે અવારનવાર સુંશાતથી જોડાયેલી યાદો શેર કરતી રહે છે. આ પહેલાં પણ તેણે તેની દિકરી અને મામૂ સુશાંતની એક ક્યૂટ તસવીર શરે કરી હતી. શ્વેતા 29 જૂને પટનામાં ભાઈની પ્રેયર મીટમાં પણ સામેલ થઈ હતી.
તમને જણાવી દઈએ કે, 14 જૂને સુશાંતે ફાંસો ખાઈને આત્મહત્યા કરી લીધી હતી. મુંબઈ પોલીસ એક્ટરના મોત પાછળનું કારણ જાણવા માટે દરેક એંગલથી તપાસ કરી રહી છે અને અત્યાર સુધી 34 લોકોના નિવેદન નોંધી ચૂકી છે.