બોલિવૂડ એક્ટર સુશાંત સિંહ રાજપૂતના નિધનને એક મહિનો થઈ ગયો. તેની કથિત ગર્લફ્રેન્ડ રિયા ચક્રવર્તીથી લઈને એક્સ ગર્લફ્રેન્ડ અંકિતા લોખંડે અને તેના મિત્રો અને ફેન્સ સુશાંતને યાદ કરી રહ્યાં છે. સુશાંતની બહેન શ્વેતા સિંહ કીર્તિ અમેરિકામાં રહે છે અને તેના ભાઈથી જોડાયેલી પોસ્ટ કરતી રહે છે. તેણે પણ ભાઈના નિધનને એક મહિનો પૂરો થવા પર ઈમોશનલ પોસ્ટ શેર કરી છે.
તેણે ઈન્સ્ટાગ્રામ પર તેની અને સુશાંતની એક તસવીર શેર કરીને લખ્યું છે કે, તૂ એક મહિના પહેલાં અમને છોડીને જતો રહ્યો પણ તારી હાજરી આજે પણ અમે ફીલ કરીએ છીએ. લવ યૂ ભાઈ. આશા છે કે તૂ હમેશાં ખુશ રહીશ.
આ પહેલાં પણ શ્વેતાએ સોશિયલ મીડિયા પર એક પોસ્ટ શેર કરી હતી, જેમાં સુશાંતની હેન્ડ રાઈટિંગ જોવા મળી હતી. આ નોટ સુશાંતે તેની બહેનને મોટિવેટ કરવા લખી હતી. શ્વેતાએ આ સિવાય વધુ એક પોસ્ટ શેર કરી હતી જેમાં તેણે તેના દિકરા સાથે સુશાંતને લઈને વાતચીત શેર કરી હતી, સાથે જ ફેન્સને સંદેશ આપ્યો હતો કે બધાંએ અત્યારે મજબૂત રહેવાની જરૂર છે. તેણે લખ્યું હતું કે, જ્યારે મેં મારા દિકરા નિર્વાણને જણાવ્યું કે, મામા હવે નથી રહ્યાં તો તેણે મને કહ્યું કે, એ આપણા દિલમાં તો જીવિત છે.
ઉલ્લેખનીય છે કે, સુશાંતની છેલ્લી ફિલ્મ દિલ બેચારા 24 જુલાઈએ ઓટીટી પ્લેટફોર્મ પર રિલીઝ થશે. આ ફિલ્મને ફેન્સ થિયેટર્સમાં જોવા માંગતા હતા અને પોતાના ફેવરિટ એક્ટરને ટ્રિબ્યૂટ આપવા માંગતા હતા પરંતુ કોરોના મહામારીને કારણે આવું થઈ શક્યું નહી. આ ફિલ્મમાં સંઘના સાંઘી બોલિવૂડમાં ડેબ્યૂ કરવા જઈ રહી છે. આ ફિલ્મ ડિરેક્ટર મુકેશ છાબડીએ ડિરેક્ટ કરી છે અને ફિલ્મનું મ્યુઝિક એ આર રહેમાને કંપોઝ કર્યું છે.