બોલિવૂડ / રક્ષાબંધને સુશાંતની બહેન રાનીએ લખી ઈમોશનલ નોટ, કહ્યું આજ હમારા દિન હૈ, આજ રાખી હૈ...

• સુશાંતની બહેન રાનીએ લખી ઈમોશનલ પોસ્ટ
• 35 વર્ષમાં પહેલી વાર ભાઈનો હાથ નથી
• રક્ષાબંધને ભાઈ ન હોવાનું દુઃખ કર્યું વ્યક્ત

જાણો શું લખ્યું સુશાંતની બહેન રાનીએ

ગુલશન, મેરા બચ્ચા
આજ મેરા દિન હૈ
આજ તુમ્હારા દિન હૈ
આજ હમારા દિન હૈ
આજ રાખી હૈ.

35 વર્ષ બાદ આજે પહેલી વખત એવું બન્યું છે કે જ્યારે પૂજાની થાળી તૈયાર છે અને આરતીનો દીવો પણ પ્રગટી રહ્યો છે. હળદર ચંદનનું તિલક અને મીઠાઈ તૈયાર છે, રાખડી પણ છે પણ  બસ એ ચહેરો નથી જેની આરતી ઉતારી શકું, એ લલાટ નથી જ્યાં તિલક કરી શકું, એ કાંડું નથી જેની પર રાખડી બાંધી શકું અને એ મોઢું નથી જેને મીઠાઈ ખવડાવી શકું. એ માથું નથી જેને ચૂમી શકું અને એ ભાઈ નથી જેને ગળે લગાવી શકું. 

વર્ષો પહેલાં જ્યારે તું આવતો ત્યારે અમારું જીવન ઝગમગી જતું. જ્યારે હતો ત્યારે અજવાળું જ હતું. જ્યારે તું નથી તો મને ખબર નથી પડતી કે શું કરું. તારા વિના મને જીવવાનું આવડતું નથી. ક્યારેય વિચાર્યુ ન હતું કે આવું પણ થશે. એવો દિવસ આવશે કે તું નહીં હોય. તારા વિના હું કેવી રીતે રહું. તું જ કહે. 

હંમેશા તારી

રાની દી

ઉલ્લેખનીય છે કે સુશાંત સિંહના સુસાઈડને લઈને 2 રાજ્યોની પોલીસ તપાસ કરી રહી છે. બિહાર પોલીસ કેસની તપાસ માટે મુંબઈ પહોંચી છે. જ્યાં પહેલાંથી મુંબઈ પોલીસ પણ તપાસ કરી રહી છે. બંને રાજ્યોની પોલીસની તપાસ વચ્ચે સુશાંત કેસને લઈને ખેંચતાણ ચાલી રહી છે. સુશાંત સિંહ રાજપૂતનો પરિવાર ન્યાય અને સીબીઆઈ તપાસની માંગ કરી રહ્યો છે.