બોલિવૂડ એક્ટર સુશાંત સિંહ રાજપૂત હવે આપણી વચ્ચે નથી પરંતુ તેના દ્વારા કરેલાં નેક કામ હમેશાં યાદ રહેશે. રીલ લાઈફમાં પોતાની એક્ટિંગથી લોકોના દિલમાં ખાસ જગ્યા બનાવનાર સુશાંતે રિયલ લાઈફમાં પણ ઘણાં સારાં કામ કરીને લોકોનું ધ્યાન પોતાની તરફ ખેંચ્યું હતું. હાલ યુએસએના સ્પેસ કેમ્પસની એક જૂની ટ્વિટ વાયરલ થઈ રહી છે. જેમાં સુશાંત સિંહનો આભાર વ્યક્ત કરવામાં આવ્યો છે.
સુશાંતની મોતના આઘાતમાંથી લોકો બહાર નથી આવી શકી રહ્યાં
સુશાંતે તેના જીવનમાં ઘણાં એવા સારાં કામ કર્યા છે જેને લોકો યાદ કરે છે
સુશાંતે નાના બાળકો માટે કર્યું હતું આ નેક કામ
યુએસએના સ્પેસ કેમ્પસે વર્ષ 2017ના ઓક્ટોબર મહિનામાં બે તસવીરો સાથે એક ટ્વિટ કરી હતી. જેમાં લખ્યું હતું કે, સ્પેસ કેમ્પસમાં આટલા તેજસ્વી બાળકોને મોકલવા માટે આભાર સુશાંત સિંહ રાજપૂત તમને જણાવી દઈએ કે સુશાંત ગરીબ બાળકોના અભ્યાસ માટે હંમેશા આગળ આવીને મદદ કરતો હતો. આ ઉપરાંત તેણે
બાળકોને વર્કશોપ માટે નાસા પણ મોકલ્યા હતાં.
જણાવી દઈએ કે સુશાંતે વર્ષ 2017માં આ બાળકોનો એક વીડિયોપોતાના ફેસબુક પેજ પર શેર કર્યો હતો. જેમાં બન્ને બાળકો એક્ટરનો આભાર માનતા જોવા મળે છે. આ એ જ બાળકો છે જેને સુશાંતે નાસામાં મોકલ્યા હતાં. જેમાંથી એક બાળકે ત્યાં ગોલ્ડ મેડલ જીત્યો હતો. આ વીડિયો ઉપરાંત સુશાંતે વર્ષ 2018માં અન્ય એક વીડિયો પણ શેર કર્યો હતો.
તમને જણાવી દઈએ કે સુશાંત સિંહ રાજપૂતે જણાવ્યું હતું કે તે નાનપણથી જ એસ્ટ્રોનોટ બનવા માંગતો હતો અને નાસા જવા ઈચ્છતો હતો પરંતુ જઈ શક્યો નહોતો. આખરે વર્ષ 2017માં તેને એક વર્કશોપ માટે નાસા જવાની તક મળી હતી.