દુનિયાને અલવિદા કહી ચૂકેલા એક્ટર સુશાંત સિંહ રાજપૂતની છેલ્લી ફિલ્મ દિલ બેચારા 24 જુલાઈએ ડિઝની હોટસ્ટાર પર રિલીઝ થઈ ચૂકી છે. ફિલ્મને લઈને તેના ફેન્સમાં જબરદસ્ત ક્રેઝ જોવા મળી રહ્યો છે. સોશિયલ મીડિયા યુઝર્સ ફિલ્મ પર પ્રતિક્રિયા આપી રહ્યાં છે. ફિલ્મની કહાની, કલાકારોની એક્ટિંગ અને એ આર રહેમાનનું મ્યુઝિક લોકોના દિલમાં ઉતરી ગયું છે. ત્યારે હવે IMDb પર સુશાંતની ફિલ્મને જોરદાર રેટિંગ મળ્યું છે.
સુશાંતની છેલ્લી ફિલ્મ થઈ રિલીઝ
સુશાંતની ફિલ્મ પર લોકો આપી રહ્યાં છે પ્રતિક્રિયા
IMDb પર ફિલ્મને મળી જોરદાર રેટિંગ
સુશાંતની છેલ્લી ફિલ્મ દિલ બેચારાને આઈએમડીબી પર 10માંથી 10 રેટિંગ મળ્યું છે. લોકો ફિલ્મ અને સુશાંતની એક્ટિંગના વખાણ કરી રહ્યાં છે. સુશાંતની ફિલ્મને લઈને ફેન્સ ટ્વિટ કરી રહ્યાં છે. સુશાંતની ફિલ્મ લોકોને ખૂબ જ પસંદ આવી રહી છે. IMDb પર 10માંથી 10 રેટિંગનો રેકોર્ડ બનાવનાર સુશાંતની ફિલ્મ ધૂમ મચાવી રહી છે. ફિલ્મ જોયા બાદ સતત રેટિંગ આપવાને કારણે IMDbનું સર્વર ક્રેશ થઈ ગયું હતું, કારણ કે બહુ બધાં ફેન્સ એકસાથે પોતાના રિવ્યૂ આપી રહ્યાં હતા. ભારતમાં પહેલીવાર IMDbનું સર્વર ક્રેશ થયું.
Dil Bechara's imdb is 9.9. Faith in humanity restored.
સોશિયલ મીડિયા પર ફિલ્મને લઈને ઘણી ચર્ચાઓ થઈ રહી છે. ફેન્સ સુશાંતની છેલ્લી ફિલ્મ જોઈને ભાવુક થઈ રહ્યાં છે. સાથે જ ફિલ્મમાં તેના ડાયલોગ્સ સાંભળીને પોતાના આંસુ રોકી નથી શકી રહ્યાં. સુશાંત સિવાય ફિલ્મમાં સંજના સાંઘી, સ્વસ્તિક મુખર્જી, શાશ્વત અને સાહિલ વેદ છે. સ્પેશિયલ રોલમાં સૈફ અલી ખાને પણ સારી ભૂમિકા ભજવી છે.
ફિલ્મમાં સુશાંતે મેની નામના યુવકનો રોલ પ્લે કર્યો છે. મેનીનો રોલ ઘણી હદ સુધી તેની રિયલ લાઈફથી મળે છે. મોજીલો અને પોતાની જ દુનિયામાં રહેનારો. મેની રજનીકાંતનો મોટો ફેન હોય છે. જ્યારે સંજનાએ કિઝી બાસુનો રોલ ખૂબ જ સારી રીતે નિભાવ્યો છે. કિઝી કેન્સર પેશન્ટ હોય છે અને તેની બોરિંગ લાઈફથી કંટાળી જાય છે અને તે જરાય ખુશ નથી હોતી. પરંતુ મેની તેની લાઈફમાં એન્ટ્રી લે છે એ પછી તેની દુનિયા બદલાઈ જાય છે. આ ફિલ્મ મુકેશ છાબડાએ ડિરેક્ટ કરી છે. આ ફિલ્મ પોપ્યુલર નોવેલ અને હોલિવૂડ ફિલ્મ ધ ફોલ્ટ ઓફ અવર સ્ટાર્સથી પ્રેરિત છે.