સુશાંત સિંહ રાજપૂતના નિધનથી તેના ફેન્સ, પરિવાર અને મિત્રો ખૂબ જ આઘાતમાં છે. સુશાંતે અચાનક આત્મહત્યા કરી લેતા તેના ઘણાં પ્રોજેક્ટ્સ અધૂરા રહી ગયા છે. એવો જ એક પ્રોજેક્ટ છે વંદે ભારતમ. સુશાંતનો ખાસ ફ્રેન્ડ અને ફિલ્મમેકર સંદીપ સિંહ તેને લીડ રોલમાં લઈને આ ફિલ્મ બનાવવાનો હતો.
સુશાંતની મોતથી તેના મિત્રો હજી પણ આઘાતમાં
સુશાંતના ઘણાં પ્રોજેક્ટ્સ રહી ગયા અધૂરા
સુશાંત તેના ખાસ મિત્ર સાથે વંદે ભારતમ ફિલ્મ કરવાનો હતો
A post shared by Sandip Ssingh (@officialsandipssingh) on
પોતાના ખાસ મિત્રને ગુમાવી દેતા સંદીપ સિંહ ખૂબ જ દુઃખી છે. તે ઈન્સ્ટાગ્રામ પર સુશાંત માટે પોસ્ટ લખતો રહે છે. હવે સંદીપે સુશાંતની ફિલ્મ વંદે ભારતમનો ફર્સ્ટ લુક પોસ્ટર શેર કર્યો છે. તેણે કેપ્શનમાં લખ્યું- તે મને વચન આપ્યું હતું. આપણે બંને બિહારી ભાઈઓ એક દિવસ ઈન્ડસ્ટ્રી પર રાજ કરીશું અને તમામ યુવાનો માટે એક પ્રેરણા અને સપોર્ટ સિસ્ટમ બનીશું. તે મને વચન આપ્યું હતું કે ડિરેક્ટર તરીકેની મારી પહેલી ફિલ્મમાં તૂ કામ કરીશ. રાજ શાંડિલ્યએ આ ફિલ્મની સ્ટોરી લખી હતી અને અમે સાથે મળીને આ ફિલ્મ પ્રોડ્યૂસ કરવાના હતા.
A post shared by Sandip Ssingh (@officialsandipssingh) on
સંદીપે આગળ લખ્યું- મને તારો વિશ્વાસ જોઈએ, જે તે મારી પર કર્યો હતો, એ જ મારી તાકાત હતો. હવે તૂ જતો રહ્યો. હું ક્યાંક ખોવાઈ ગયો છું. હવે તૂ જ મને બતાય કે હું મારા આ સપનાને કઈ રીતે પૂરું કરીશ? તે જે રીતે મારો હાથ પકડ્યો હતો, એ રીતે કોણ પકડશે? હવે મને SSRની જેમ તાકાત કોણ આપશે, મારા ભાઈ. સંદીપે વધુમાં લખ્યું- હું તને વચન આપું છું કે, હું આ ફિલ્મ બનાવીશ. આ ફિલ્મ તને શ્રદ્ધાજંલિ હશે. ફિલ્મ વંદે ભારતમ પર આપણે કલાકો બેસીને વાત કરતા હતા. હવે બસ મારી પાસે તારી યાદો જ છે અને આ પોસ્ટર, જે આપણું સપનું હતું અને પૂરું થવાનું હતું.