સુશાંતસિંહ રાજપૂતની ડાયરીના 15 પાના સામે આવ્યા છે. તેના પરથી સ્પષ્ટ થાય છે કે સુશાંતે તેની કારકિર્દી અને જીવનને લગતી એક મજબૂત યોજના બનાવી હતી. સુશાંતે બોલિવૂડથી હોલીવુડ સુધી બ્લુપ્રિન્ટ દોર્યું હતું.
સુશાંતસિંહ રાજપૂતની ડાયરીના 15 પાના થયાં વાયરલ
બોલિવૂડથી હોલીવુડ સુધી બ્લુપ્રિન્ટ કરી હતી તૈયાર
ઉલ્લેખનીય છે કે, 2020 ની પણ તેની યોજના હતી અને સુશાંતે તેમને આ ડાયરીમાં લખી હતી. આ ડાયરીમાં સુશાંતની બહેન પ્રિયંકાનું નામ પણ છે અને આ સાથે એક્ટિંગ કરિયર બનાવવા માટે શું કરવું જોઈએ તેનો પણ ઉલ્લેખ છે.
સુશાંતે એક પાના પર લખ્યું, "હું ઇચ્છું છું કે લોકો મને સમજે."
આ પાનામાં, સુશાંતે તેની જરૂરિયાતો અને લોકોની હાજરી માટે બ્લુપ્રિન્ટ દોરી છે. ડાયરીના પાના જોતા હવે સવાલો ઉભા થઈ રહ્યા છે કે જે વ્યક્તિ આટલા લાંબા સમયથી પ્લાન કરી રહ્યો હતો તે આત્મહત્યા કેવી રીતે કરી શકે?
રાયટર્સનો એક પૂલ બનાવવા ઇચ્છતો હતો સુશાંત
ડાયરીના પાના જોતા લાગે છે કે સુશાંત સિંહ રાજપૂત ફિલ્મ જગતમાં રાયટર્સનો પૂલ બનાવવા માંગતો હતો . જેથી સારા લેખકો દ્વારા સારી સ્ક્રિપ્ટો બહાર આવે. આ સાથે, તેની ફિલ્મો કેવી રીતે આગળ ધપાવી શકાય તેની પણ યોજના છે. ડાયરીના આ પાનામાં, સુશાંતે હોલીવુડમાં જવા માટે તેની સંપૂર્ણ યોજનાઓ લખી હતી. આ સિવાય સ્ટાર્ટઅપ્સમાં થયેલા રોકાણ વિશે, પરિવારના સભ્યોને કઇ જવાબદારીઓ આપવાની છે અને કંપનીને કઇ ઉંચાઇ કંપનીમાં લઇ જવાની છે તે વિશે લખ્યું હતું.