અભિનેતા સુશાંત સિંહ રાજપૂત મોત બાદથી જ પોલીસ આ કેસની દરેક એંગલથી તપાસ કરી રહી છે. ત્યારે આ કેસમાં રોજ કંઈકને કંઈક ખુલાસા થઈ રહ્યાં છે. જોકે, હજી સુધી પોલીસને કોઈ મજબૂત પુરાવા મળ્યા નથી. જેનાથી સુશાંતની આત્મહત્યાને શંકાસ્પદ જાહેર કરી શકાય. શુક્રવારે આ કેસમાં નવો ખુલાસો થયો છે.
સુશાંતના કેસમાં નવો ખુલાસો
તેની ગર્લફ્રેન્ડ રિયા ઉડાવતી હતી તેના પૈસા
પોલીસને મળી આ નવી જાણકારી
હકીકતમાં પોલીસને સુશાંતના બેંક ખાતાની વિગતો મળી છે, જેમાંથી તેમને જાણ થઈ છે કે સુશાંત સિવાય તેની ગર્લફ્રેન્ડ રિયા ચક્રવર્તી પણ તેના ક્રેડિટ કાર્ડ અને ડેબિટ કાર્ડનો ઉપયોગ કરતી હતી. સુશાંતના કેસમાં પોલીસે અત્યાર સુધી તેની સાથે જોડાયેલા 36થી વધુ લોકોની પૂછપરછ કરી છે. આ સાથે જ પોલીસે સુશાંતના સોશિયલ મીડિયા એકાઉન્ટ્સની પણ તપાસ કરી છે. જોકે, પોલીસને કોઈ મજબૂત પુરાવા મળી શક્યા નથી.
પોસ્ટમોર્ટમ અને ફોરેન્સિક રિપોર્ટ અનુસાર સુશાંતનો કેસ આત્મહત્યા તરફ નિર્દેશ કરે છે. અહેવાલો અનુસાર હવે પોલીસ પોતાની તપાસ આગળ વધારતા સુશાંતના બેંક ખાતાની વિગતો મેળવી છે. જેમાં છેલ્લા 11 મહિનાના રેકોર્ડ બતાવે છે કે રિયા પણ સુશાંતના ડેબિટ કાર્ડ અને ડેબિટ કાર્ડથી શોપિંગ કરતી હતી.
મીડિયા રિપોર્ટ મુજબ, ગયા વર્ષે રિયાના યુરોપ પ્રવાસનો ખર્ચ પણ સુશાંતે જ ઉઠાવ્યો હતો. આટલું જ નહીં, રિયા પાસે સુશાંતના ક્રેડિટ અને ડેબિટ કાર્ડના પિન કોડ અને પાસવર્ડ જાણકારી પણ હતી. સમાચારો અનુસાર રિયા ઘણીવાર સુશાંતના ડેબિટ અને ક્રેડિટ કાર્ડને સાથે સાથે લઈને બહાર જતી હતી અને ઘણાં દિવસો સુધી આ કાર્ડ્સ રિયા પાસે જ રહેતા હતા.
શુક્રવારે પોલીસે સુશાંતના માનસિક ચિકિત્સક ડોક્ટર કેરસી ચાવડાની પણ પૂછપરછ કરી છે. હવે પોલીસ ફરીથી સુશાંતના પરિવાર, મિત્રો, નોકરો અને રિયા ચક્રવર્તીને પૂછપરછ માટે બોલાવી શકે છે.