રિયા ચક્રવર્તીને ડ્રગ્સ કેસમાં 22 સપ્ટેમ્બર સુધી જેલમાં જ રહેવું પડશે. રિપોર્ટ્સ મુજબ તેણે ડ્રગ્સ સ્કેન્ડલમાં ઘણાં બોલિવૂડ સેલેબ્સનું નામ લીધું છે અને નારકોટિક્સ બ્યૂરો એ પણ જણાવ્યું કે આ લોકો સાથે સુશાંતનું કનેક્શન કઈ રીતે થયું. રિયાએ એનસીબીને સારા અલી ખાન, રકુલ પ્રીત સિંહ, બોલિવૂડ ફેશન ડિઝાઈનર સિમોન ખંબાટા સહિત 25 લોકોના નામ લીધા છે. હવે એનસીબી સારા અને રકુલની પૂછપરછ માટે સમન્શ મોકલી શકે છે.
સુશાંત કેસમાં હવે બોલિવૂડ સેલેબ્સની મુશ્કેલીઓ વધી
એક્ટ્રેસ સારા અલી ખાનનું નામ આવ્યું સામે
ડ્રગ્સ કેસમાં સારાને એનસીબી મોકલી શકે છે સમન્શ
રિયાએ પૂછપરછ દરમિયાન જણાવ્યું કે, આ લોકો લોનાવલા ફાર્મ હાઉસ પર ડ્રગ્સ લેતા હતા. રિયાએ જણાવ્યું કે, સુશાંત તેમને ડ્ર્ગ્સ પાર્ટીમાં પણ લઈને જતો હતો. આ સાથે જ રિયાએ જણાવ્યું કે, બોલિવૂડમાં 80 ટકા સેલેબ્સ ડ્રગ્સનું સેવન કરે છે. ત્યારે હવે એનસીબી સારા અલી ખાનને સમન્શ મોકલવાની તૈયારી કરી રહી છે.
સુશાંતના પૂર્વ ડ્રાઈવરે જણાવ્યું કે, જ્યારે તે સુશાંતની સાથે કામ કરતો હતો, ત્યાં સુધી તેણે સુશાંતને ક્યારેય ડ્રગ્સ લેતા જોયો નથી. તે ગેમ્સ રમતો હતો અને પોતાની જાતને ફિટ રાખતો હતો. ત્યારે એક વીડિયો હાલમાં ખૂબ વાયરલ થઇ રહ્યો છે, જેમાં સુશાંત રિયા અને તેમના કેટલાક મિત્રો સાથે ડ્રગ્સ લઇ રહ્યા છે. તેમાં રિયાને સાફ રીતે જોઇ શકાય છે કે રિયા ડ્રગ્સ લઇ રહી છે.