એક્ટર સુશાંત સિંહ રાજપૂત કેસમાં રોજ એક નવી જાણકારી સામે આવી રહી છે. મુંબઈ પોલીસે તેમની મોતને પહેલા જ આત્મહત્યા કરી જાહેર કરી દીધી છે. પરંતુ બિહાર પોલીસએ માનવા તૈયાર જ નથી. આ દરમિયાન મુંબઈ પોલીસના એક મોટા અધિકારીએ ખુલાસો કર્યો છે કે સુશાંતે આત્મહત્યા પહેલા ગુગલમાં સતત 3 વસ્તુઓે સર્ચ કરી રહ્યા હતા.
14 જૂનના દિવસે તેમણે ગુગલમાં પોતાનું નામ સર્ચ કર્યુ હતુ
...એ બાદ સુશાંત ડિપ્રેશનમાં જતા રહ્યા હતા
દિશા સાલિયાનનું નામ, પોતાનું નામ અને તેમની બિમારી વિશે સર્ચ કરી રહ્યા હતા
અંગ્રેજી અખબારમાં જણાવ્યાનુંસાર પોલીસ અધિકારીઓનો દાવો છે કે 14 જૂનના દિવસે તેમણે ગુગલમાં પોતાનું નામ સર્ચ કર્યું હતુ. અધિકારીનો દોવો છે કે તેમનો મોબાઈલ અને લેપટોપ ફોરેન્સિકમાં મોકલ્યા બાદ આ તથ્ય સામે આવ્યું છે. સુશાંતની મોતના એક અઠવાડિયા પહેલા તેની પૂર્વ મેનેજર દિશાએ આત્મહત્યા કરી લીધી હતી. એ બાદ સુશાંત ડિપ્રેશનમાં જતા રહ્યા હતા. ન્યૂઝ રિપોર્ટમાં કહેવામાં આવ્યું છે કે તે પોતાની પૂર્વ મેનેજર દિશા સાલિયાનનું નામ, પોતાનું નામ અને તેમની બિમારી વિશે સર્ચ કરી રહ્યા હતા.
સુશાંતના અકાઉન્ટમાંથી જેટલા પણ પૈસા નીકળ્યા તે તેમના જાણીતા લોકોના ખાતામાં ગયા છે. ગત વર્ષ તેના ખાતમાંથી 2.5 કરોડનું ટ્રાન્ઝેક્શન થયુ હતુ. જે જીએસટી તરીકે કરવામાં આવ્યું હતુ. પોલીસે 40 લોકોના નિવેદન લીધા છે.જેમાં 3 મનોચિકિત્સકના નિવેદન પણ દાખલ કરવામાં આવ્યા છે.
ઉલ્લેખનીય છે કે સુશાંતની ખોટ તેમની બહેનોને આજે રક્ષાબંધનના દિવસે વર્તાઈ રહી છે. તેનું દુઃખ બહેન રાનીએ ઈમોશનલ નોટથી વ્યક્ત કર્યું છે. તેણે કહ્યું કે આજે 35 વર્ષમાં પહેલી વાર અમારી પાસે એ હાથ નથી જેને અમે રાખડી બાંધી શકીએ. 35 વર્ષ બાદ આજે પહેલી વખત એવું બન્યું છે કે જ્યારે પૂજાની થાળી તૈયાર છે અને આરતીનો દીવો પણ પ્રગટી રહ્યો છે. હળદર ચંદનનું તિલક અને મીઠાઈ તૈયાર છે, રાખડી પણ છે પણ બસ એ ચહેરો નથી જેની આરતી ઉતારી શકું, એ લલાટ નથી જ્યાં તિલક કરી શકું, એ કાંડું નથી જેની પર રાખડી બાંધી શકું અને એ મોઢું નથી જેને મીઠાઈ ખવડાવી શકું. એ માથું નથી જેને ચૂમી શકું અને એ ભાઈ નથી જેને ગળે લગાવી શકું.
વર્ષો પહેલાં જ્યારે તું આવતો ત્યારે અમારું જીવન ઝગમગી જતું. જ્યારે હતો ત્યારે અજવાળું જ હતું. જ્યારે તું નથી તો મને ખબર નથી પડતી કે શું કરું. તારા વિના મને જીવવાનું આવડતું નથી. ક્યારેય વિચાર્યુ ન હતું કે આવું પણ થશે. એવો દિવસ આવશે કે તું નહીં હોય. તારા વિના હું કેવી રીતે રહું. તું જ કહે.