બોલિવૂડ એક્ટર સુશાંત રાજપૂતના સુસાઈડ કેસની ગુત્થી ઉકેલવા માટે પોલીસ સતત તેના નજીકના લોકોની પૂછપરછ કરી રહી છે. આ મામલે પોલીસ શેખર કપૂર અને સંજય લીલા ભંસાલી સહિત 35 લોકોની પૂછપરછ કરી ચૂકી છે. હવે પોલીસે આ મામલે બોલિવૂડના પ્રમુખ ટેલેન્ટ મેનેજર્સમાંની એક રેશ્મા શેટ્ટીથી લાંબી પૂછપરછ કરી હતી. એવું કહેવાય રહ્યું છે કે, પોલીસે રેશ્માથી લગભગ પાંચ કલાક સુધી પૂછપરછ કરી. સૂત્રો મુજબ, આ દરમિયાન પોલીસે રેશ્માથી સલમાન સાથે કથિત રૂપથી થયેલાં વિવાદ અને બોલિવૂડમાં સુશાંતને બોયકોટ કરવાને લઈને સવાલ પૂછ્યા હતા.
સુશાંત તેની મોત પાછળ અનેક સવાલો છોડી ગયો છે
પોલીસે હવે ટેલેન્ટ મેનેજર રેશ્મા શેટ્ટીનું નિવેદન નોંધ્યુ
રેશ્મા બોલિવૂડના અનેક દિગ્ગજ કલાકારો સાથે કામ કરી ચૂકી છે. તેણે સલમાન, અક્ષય અને આલિયા ભટ્ટ સાથે પણ કામ કર્યું છે. સુશાંતના નિધન બાદ સોશિયલ મીડિયા પર જે રીતે ચર્ચાઓ ચાલી રહી છે. એ જ વાતોના આધારે બાન્દ્રા પોલીસે રેશ્મા શેટ્ટીને સવાલો કર્યા હતા. આ દરમિયાન પોલીસે તેની સુશાંત સાથેની મુલાકાતને લઈને પણ પ્રશ્નો પૂછ્યા હતા. રેશ્માએ પોલીસને જણાવ્યું કે, સોશિયલ મીડિયા પર સુશાંતને બોયકોટ કરવાને લઈને જે સવાલો ઊભા થઈ રહ્યાં છે તે માત્ર એક અફવા છે.
A post shared by Arish saify (@iamrockstarajay) on
રેશ્મા શેટ્ટી બોલિવૂડનું મોટું નામ છે. સેલિબ્રિટીઝના ફિલ્મી શેડ્યૂલથી લઈને તેના બ્રાન્ડ એન્ડોર્સમેન્ટને સંભાળે છે. તે એક ટેલેન્ટ મેનેજમેન્ટ કંપની ચલાવે છે. જેનું નામ મેટ્રિક્સ છે. વર્ષ 2009-2010 દરમિયાન રેશ્મા સલમાન ખાન સાથે જોડાઈ હતી. જે બાદ તેનું ફિલ્મી ગ્રાફ અને ઈમેજ બંને ઊંચાઈ પર પહોંચી ગયું હતું. એવું કહેવાય છે કે, સલમાન ખાનનું બીઈંગ હ્મૂમન કેમ્પેન પણ રેશ્મા શેટ્ટીનો જ આઈડિયા છે. એટલું જ નહીં બિગ બોસ જેવા શોઝ સાથે પણ જોડાવામાં રેશ્માનો જ હાથ છે. રેશ્મા 2018માં સલમાન ખાનથી અલગ થઈ હતી. ત્યારબાદ તેણે અક્ષયનું કામ સંભાળ્યું. તે અક્ષય સિવાય કેટરીના અને આલિયા જેવા સ્ટાર્સ માટે કામ ચૂકી છે.
તમને જણાવી દઈએ કે આ કેસમાં પોલીસે અત્યાર સુધીમાં 35થી વધુ લોકોના નિવેદન નોંધ્યા છે. પૂછપરછ કરાયેલા લોકોમાં પરિવારના સભ્યો, મિત્રો, સુશાંત સાથે કામ કરી ચૂકેલા લોકો પણ સામેલ છે. આ સિવાય બોલિવૂડ પોર્ટલ માટે કામ કરનાર કેટલાક પત્રકારોની પણ પૂછપરછ કરવામાં આવી છે અને પોલીસને એવા સ્રોત વિશે માહિતી છે જેના માધ્યમથી આ આર્ટિકલ લખવામાં આવ્યા હતા.