સુશાંત કેસ / AIIMSએ સોંપ્યો CBIને રિપોર્ટ, ખૂલશે સુશાંત સિંહના મોત સાથેના અનેક રહસ્યો

• AIIMSએ સોંપ્યો CBIને રિપોર્ટ
• સીબીઆઈ નક્કી કરશે કે સુશાંતની હત્યા થઈ છે કે આત્મહત્યા
• ઓટોપ્સી અને વિસરા રિપોર્ટની તપાસ પણ અપાઈ

સુશાંત કેસમાં AIIMSનો રિપોર્ટ સીબીઆઈની પાસે આવી ચૂક્યો છે. હવે સીબીઆઈ નક્કી કરશે કે સુશાંત સિંહ રાજપૂતની હત્યા થઈ છે કે આત્મહત્યા. સીબીઆઈ ઓટોપ્સી અને વિસરા રિપોર્ટની તપાસ કરશે. સીબીઆઈ અન્ય સાક્ષીઓ માટે રિપોર્ટને તપાસશે. રિપોર્ટના આધારે સીબીઆઈ પોતાની તપાસ આગળ વધારશે.

રિપોર્ટથી ખુલશે અનેક રહસ્યો

ઉલ્લેખનીય છે કે સુશાંત સિંહ રાજપૂતના પરિવારના વકીલ વિકાસ સિંહે કહ્યું હતું કે સુશાંતનો કેસ હવે સીબીઆઈ માટે મોટી પ્રાથમિકતા નથી રહ્યો. હવે એઈમ્સના રિપોર્ટ આવ્યા બાદ એજન્સી એક વાર એક્શનમાં આવશે અને સુશાંતના મોતનું રહસ્ય પણ ખુલશે. 

સુશાંતના મોતની તપાસ પ્રોફેશનલ રીતે થઈ રહી છેઃ સીબીઆઈ

સીબીઆઈએ કહ્યું કે તેઓ દરેક રીતે તપાસ કરી રહી છે. સુશાંતના મોતની તપાસ પ્રોફેશનલ રીતે થઈ રહી છે. દરેક મુદ્દાની બારીક તપાસ થઈ રહી છે. માનવામાં આવી રહ્યું છે કે સીબીઆઈ હવે સુશાંતના પરિવાર અને તેની બહેનોની પણ પૂછપરછ કરશે.

વકીલ વિકાસ સિંહે શું કહ્યું હતું

થોડા સમય પહેલા વકીલ વિકાસ સિંહે કહ્યું હતું કે કેસની તપાસમાં શરૂઆત જે રીતે થઈ તે રીતે કેસની તપાસમાં ઢીલ જોવા મળી રહી છે, કેસને ઝડપથી ખતમ કરવાની જરૂર છે. જેમ જેમ સમય વધશે તેમ સબૂત ખતમ થશે. ઉલ્લેખનીય છે કે 14 જૂને બાંદ્રાના ઘરમાં સુશાંતે ફાંસી ખાધી હતી. ત્યારથી આ કેસ ચાલી રહ્યો છે.