બોલિવૂડ એક્ટર સુશાંત સિંહના પિતા અને બહેનોએ ગુરૂવારે પટનામાં તેની અસ્થિઓનું વિસર્જન કર્યું. સુશાંતના પરિવાર દ્વારા અસ્થિઓનું વિસર્જન કરતી તસવીરો ટ્વિટર પર શેર કરવામાં આવી છે. તસવીરોમાં સુશાંતની બહેનો અને તેના પિતા હોડીમાં બેસીને ગંગા નદીની મધ્યમાં પહોંચ્યો હતો અને ત્યાં અસ્થિ વિસર્જન કર્યું હતું.
સુશાંતના મોતથી પરિવાર આઘાતમાં
એક્ટરના અંતિમ સંસ્કાર બાદ ગુરૂવારે પટનામાં કરાયું અસ્થિ વિસર્જન
તમને જણાવી દઈએ કે, સુશાંતનું અંતિમ સંસ્કાર 15 જૂને મુંબઈમાં જ કરવાનું આવ્યું હતું. પોલીસ સુશાંતની આત્મહત્યાની તપાસમાં લાગેલી છે. પરંતુ હજી સુધી કોઈ માહિતી મળી શકી નથી. જ્યારે સુશાંતની બહેન શ્વેતા સિંહ કીર્તિએ એક ફેસબુક પોસ્ટમાં જણાવ્યું હતું કે, બુધવારે તેઓ સુરક્ષિત પટના સ્થિત તેમના ઘરે પહોંચી ગયા હતા. તેણે સુશાંત માટે પ્રાર્થના કરવા બદલ બધાંનો આભાર માન્યો હતો.
તસવીરોમાં જોઈ શકાય છે સુશાંતના પિતા અને બહેનો નદીમાં અસ્થિઓ વિસર્જિત કરી રહ્યાં છે. સુશાંતે તેના કરિયરમાં ઘણું સારું કામ કર્યું હતું અને તેણે સુપરહિટ ફિલ્મો આપી હતી. સોશિયલ મીડિયા પર ફેન્સ સુશાંતને શ્રદ્ધાજંલિ આપી રહ્યાં છે અને તેના જૂના ફોટોઝ અને વીડિયો શેર કરી રહ્યાં છે.