ડ્રગ્સ તપાસમાં વધુ એક અભિનેત્રીનું નામ સામે આવ્યું છે. રાકુલ પ્રિત, સારા અલી ખાન અને શ્રદ્ધા કપૂર બાદ વધુ એકે ખ્યાતનામ અભિનેત્રી દિપીકા પદૂકોણનું નામ પણ ખુલ્યુ છે. રિયાએ પુછપરછમાં મોટો ખુલાસો કર્યો છે. એનસીબી તેને સમન્સ મોકલી શકે છે.
અભિનેત્રી દિપીકા પાદુકોણનુ નામ પણ આવ્યું સામે
NCB દિપીકાને પણ મોકલી શકે છે સમન્સ
દિપીકા અને કરિશ્મા વચ્ચેની ચેટમાં થયો ખુલાસો
રીયા ચક્રવર્તિની પુછપરછ બાદ અભિનેત્રીઓના નામ ખુલ્યા છે. અભિનેત્રી દિપીકા પાદુકોણનુ નામ પણ સામે આવ્યું છે. NCB દિપીકાને પણ સમન્સ મોકલી શકે છે. દિપીકા અને કરિશ્મા વચ્ચેની ચેટમાં ખુલાસો થયો છે.
બન્નેની ચેટમાં ડ્રગ્સ અંગે ખુલાસો થઈ ચુક્યો છે. ઉલ્લેખનીય છે કે NCB એ એક્ટર સુશાંત સિંહ રાજપૂત કેસની તપાસ આ અઠવાડિયામાં સારા અલી ખાન, શ્રદ્ધા કપૂર, સિમોન ખંભાટાઅને રકુલ પ્રિતને નોટિસ પાઠવશે. આ ચાર અભિનેત્રીઓને પૂછપરછ માટે નોટિસ મોકલવામાં આવશે. સૂત્રોની એ આપેલી જાણકારી પ્રમાણે NCB નો દાવો છે કે સુશાંતની ગર્લફ્રેન્ડ રિયા ચક્રવર્તીએ આ ચાર અભિનેત્રીઓનું નામ લીધું છે.
નોંધનીય છે કે તાજેતરમાં જ મુંબઇ સ્થિત રાહિલ વિશ્રામ નામના ડ્રગ પેડલરને NCB એ પકડ્યો હતો અને હવે તેની ગેંગની શોધ કરવામાં આવી રહી છે. નોંધનીય છે કે રિયાએ કહ્યું હતું કે સુશાંત તેને મળતા પહેલા થી જ ગાંજાનું સેવન કરતો હતો. તેણે જણાવ્યું કે ફિલ્મ કેદારનાથ ના શૂટિંગ પર તેણે વધુ ડ્રગ્સ લેવાનું શરૂ કર્યું. એવું પણ કહેવામાં આવી રહ્યું છે કે ગાંજા થી વધુ ભૂખ લાગે છે અને ફિલ્મ કેદારનાથ ના શૂટિંગ પછી સુશાંત અને સારાનું વજન વધી ગયું હતું.