અભિનેતા સુશાંત સિંહ રાજપૂતના મિત્ર હોવાનો દાવો કરનારા સંદીપ સિંહનો ભાજપ સાથે શું નાતો છે ? કોંગ્રેસ આ સવાલ વારંવાર ઉઠાવી રહી છે અને પૂછી રહી છે કે નાની બાળકીની છેડતી કરનાર આરોપીને વડાપ્રધાન મોદીના જીવન પર ફિલ્મ બનાવવાની જવાબદારી કઈ રીતે આપી દેવામાં આવી. શનિવારે મહારાષ્ટ્ર કોંગ્રેસ પ્રવકતા સચિન સાવંતે આ મુદ્દા ઉઠાવ્યા હતા અને આજે કોંગ્રેસના રાષ્ટ્રીય પ્રવકતા રણદીપ સિંહ સુરજેવાલાએ આ મુદ્દો ઉઠાવ્યો અને પૂછ્યું કે આ કેવો સંબંધ છે ? શું CBI તપાસ કરશે ?
CBI કરશે તપાસ ?
સુરજેવાલાએ ટ્વિટ કર્યું અને કહ્યું કે શું છે આ ભાજપ સંબંધ ? ભાજપ કાર્યાલયમાં 53 ફોન, ભારતીય એમ્બેસી પ્રાયોજિત મોરિશિયસ યાત્રામાં એક બાળકી સાથે છેડતી અને પછી PM મોદી પર ફિલ્મ બનાવવાની જવાબદારી, વાઈબ્રેન્ટ ગુજરાતમાં 177 કરોડના MOU, શું CBI આ સંબંધની તપાસ કરશે ?
અંતિમવિધિમાં દેખાયા હતા સંદીપ સિંહ
નોંધનીય છે કે સંદીપ સિંહ એક ફિલ્મ નિર્માતા છે અને તેમણે દાવો જર્યો છે કે સુશાંતની મોત બાદ તેમના ઘરે પહોંચનારા તે પહેલા વ્યક્તિઓમાં એક છે. સંદીપ સિંહ સુશાંત અને અંકિતા લોખંડેના મિત્ર માનવામાં આવે છે. હાલમાં જ તેઓ અંકિતા સાથે દેખાયા હતા પરંતુ સુશાંત સાથે ક્યારેય દેખાયા નથી. સુશાંતની મોત બાદ સંદીપ સિંહે કહ્યું કે સુશાંત તેમના મિત્ર છે. સંદીપ સિંહ સુશાંતના અંતિમ સંસ્કારમાં સુશાંતની બહેન મીતૂ સાથે નજરે પડ્યા હતા.
કોંગ્રેસ હવે સંદીપ સિંહ અને ભાજપના સંબંધ પર સીધા સવાલ ઉઠાવી રહી છે. શનિવારે સચિન સાવંતે દાવો કર્યો કે પહેલી ડિસેમ્બરથી 23 ડિસેમ્બર સુધી મહારાષ્ટ્રના ભાજપ કાર્યાલયમાં સંદીપ સિંહે 53 વાર ફોન કર્યા. સચિન સાવંતે પૂછ્યું કે સંદીપ સિંહ કોના સાથે વાત કરી રહ્યો હતો ? ભાજપમાં તેનો હેન્ડલર કોણ છે ? આ પહેલા સચિંત સાવંતે પૂર્વ સીએમ અને ભાજપ નેતા દેવેન્દ્ર ફડણવીસ સાથે સંદીપ સિંહની તસવીર જાહેર કરી હતી અને આ તસવીર સોશ્યલ મીડિયામાં વાયરલ પણ થઇ રહી છે.