IPLIN
 

બોલિવૂડ / આ આઈલેન્ડ પર ચાલતી હતી સુશાંતની ડ્રગ્સ પાર્ટી, આ હસ્તીઓના નામ સામે આવતા ઈન્ડસ્ટ્રીમાં ખળભળાટ

Team VTV 10:35 AM, 15 Sep 20 | Updated: 10:37 AM, 15 Sep 20
Follow us
sushant case farm house aapti gawande drug party rhea sara ali khan rakul shraddha kapoor

અભિનેતા સુશાંત સિંહ રાજપૂત કેસમાં ડ્રગ એંગલની તપાસ કરી રહેલા નાર્કોટિક્સ કંટ્રોલ બ્યુરો (એનસીબી)એ દાવો કર્યો છે કે તપાસ દરમિયાન સારા અલી ખાન, સિમોન અને રકુલના નામ સામે આવ્યા છે. એનસીબીની નજર સુશાંતના ફાર્મ હાઉસ અને પાવના ડેમ પર બાંધવામાં આવેલા ટાપુ 'આપતી ગવંડે' પર પણ છે. સુશાંત તેના મિત્રો સાથે અહીં સમય વિતાવતો હતો અને પાર્ટી કરતો હતો.

  • સુશાંતના કેસમાં રોજ નવા ખુલાસા
  • તેના ફાર્મહાઉસ નજીક ટાપુ પર સુશાંત કરતો હતો પાર્ટી
  • મિત્રો સાથે સુશાંત લેતો હતો ડ્રગ્સ

એનસીબીએ ટાપુની મુલાકાત લીધી હતી અને તપાસ કરી હતી. તેમજ એક વ્યક્તિનું નિવેદન પણ નોંધ્યું છે. એનસીબીનું કહેવું છે કે નિવેદન મુજબ રિયા ચક્રવર્તી સુશાંત સાથે ઘણી વખત આ ટાપુ પર આવતી હતી. સારા અલી ખાન 4-5 વખત સુશાંત સાથે આવી છે. શ્રદ્ધા કપૂર પણ સુશાંત સાથે અહીં આવી ચૂકી છે.

આ સિવાય સુશાંત સાથે દિપેશ સાવંત, સેમ્યુઅલ મિરાંડા, શોવિક, ઝૈદ પણ ઘણી વખત 'આપતી ગવંડે' ટાપુ પર દેખાયા છે. આ ટાપુ પર નશીલા પદાર્થોની જોરદાર પાર્ટી થતી હતી. ખૂબ દારૂ પાર્ટી ચાલતી, ગાંજો અને નશો કરવામાં આવતો હતો. એનસીબીના જણાવ્યા મુજબ રિયાએ પોતાના નિવેદનમાં સારા અલી ખાન, સિમોન ખંભાતા, રકુલનું નામ પણ લીધું છે, જેના આધારે તપાસ ચાલી રહી છે.

સુત્રોના જણાવ્યા અનુસાર, સુશાંતના ફાર્મ હાઉસ અને ટાપુ પર યોજાયેલી પાર્ટીમાં સામેલ થયેલા બાકીના લોકો પર પણ એનસીબીની નજર છે. ત્યારે પાવના ડેમમાં મોટર બોટ ચલાવનાર સુશાંત અને બાકી બધાંને ટાપુ પર લઈ જનાર શખ્સનું નિવેદન પણ એનસીબીએ નોંધી લીધું છે. 

નાર્કોટિક્સ કંટ્રોલ બ્યુરો (એનસીબી)ના ડિપ્ટી ડાયરેક્ટરએ જણાવ્યું કે, તપાસમાં સારા અલી ખાન, સિમોન અને રકુલના નામ સામે આવ્યા છે. હજી સુધી આ ફિલ્મી હસ્તીઓને સમન્સ મોકલવામાં આવ્યું નથી, પરંતુ આગામી દિવસોમાં સમન્સ મોકલી શકાય છે.

Sushant case farm house drug party
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ