સુશાંત સિંહ રાજપૂતના મોતને ત્રણ મહિના થઈ ચૂક્યા છે. પરંતુ અભિનેતાની જિંદગી સાથે જોડાયેલા કેટલાક રહસ્યો છે જે દરેકને હેરાન કરી રહ્યા છે. હવે એક ખાનગી ચેનલને સુશાંતની નોટ્સ હાથે લાગી છે જે તેણે ત્યારે લખી હતી જ્યારે તે પોતાના પાવન ફાર્મ હાઉસ પર હતો. 27 એપ્રિલની આ નોટ્સને જોઈને લાગી રહ્યું છે કે સુશાંત સિંહ સ્મોકિંગ છોડવા માંગતો હતો. તે પોતાના કરિયર પર ધ્યાન આપવા માંગતો હતો. તે કહી રહ્યો છે કે તેને કેદારનાથની સ્ક્રિપ વાંચવી છે. કૃતિ સેનન સાથે સમય વિતાવવો છે. આવી કેટલીક વાતો તેણે નોટ્સમાં લખી છે. જેને વાંચીને લાગી રહ્યુ છે કે સુશાંત રિયાના આવ્યા પહેલાં એક સામાન્ય જિંદગી જીવી રહ્યો હતો.
સુશાંતના ફાર્મહાઉસથી તેની પર્સનલ નોટ્સ મળી આવી
શાંત રિયાના આવ્યા પહેલાં એક સામાન્ય જિંદગી જીવી રહ્યો હતો
સુશાંત સ્મોકિંગ છોડવા માંગતો હતો
આ નોટ્સ વર્ષ 2018ની છે. જ્યારે સુશાંત, રિયાને મળ્યો પણ નહોતો. તે માત્ર તેના કરિયર પર ધ્યાન આપી રહ્યો હતો. જે પોતાની પ્રાથમિક્તાઓ ઉપર ભાર આપતો હતો. 27 એપ્રિલની નોટ્સ પ્રમાણે સુશાંતને સવારે 2.30 વાગ્યે ઉઠવાનું હતું. પછી સુપર મેન ટી લેવી હતી. ગોલ્ડ શાવર કરવાનું હતું. આ સિવાય સુશાંત સ્મોકિંગ છોડી દેવાનો વિચાર કરી રહ્યો હતો. આ વાત ખૂબ મહત્વની છે. વર્ષ 2018માં સુશાંત, સારા સાથે ફિલ્મ કેદારનાથ ઉપર કામ કરી રહ્યો હતો. તે ફિલ્મ પહેલાં તે નો સ્મોકિંગવાળી પોલિસી ફોલો કરી રહ્યો હતો. તે પોતાને સ્મોકિંગથી દૂર રાખી રહ્યો હતો.
આ સિવાય તે સમયે કદાચ સુશાંત કૃતિ સેનનની નજીક હતો. ફાર્મ હાઉસ પર મળેલી નોટ્સ મુજબ સુશાંત, કૃતિ સાથે સમય વિતાવવા માંગતો હતો. તેણે પોતાની નોટ્સમાં આ વિશે સ્પષ્ટ લખ્યું છે. એવામાં હવે તેના રિલેશન સ્ટેટસને લઈને પણ કેટલાક સવાલ ઉભા થઈ રહ્યા છે. નોટ્સને વાંચીને એવું પણ લાગી રહ્યું છે કે સુશાંત પોતાના પરિવારના સંપર્કમાં હતો. નોટ્સમાં લખ્યું છે કે સુશાંતને પોતાની બહેન પ્રિયંકા અને જીજા મહેશ સાથે કોઈ ટૂર ઉપર જવું હતું. તે પરિવાર સાથે સમય વિતાવવા માંગતો હતો. આનાથી સમજી શકાય છે કે સુશાંત તે સમય સુધી પોતાની બહેનોની નજીક હતો.
જ્યારથી સુશાંતની જિંદગીમાં રિયાની એન્ટ્રી થઈ હતી. અભિનેતા બદલાઈ ગયો હતો. તેની આદતોમાં પણ ઘણો બદલાવ જોવા મળી રહ્યો હતો. તે પોતાના પરિવારથી પણ દૂર થઈ ગયો હતો. એવામાં આ નોટ્સ તેની જિંદગીના એ રાઝ ઉપરથી પડદો ઉઠાવી શકે છે જે અત્યાર સામે આવી શક્યા નથી.