સૂર્યકુમાર યાદવ / SKYની કોઈ સીમા નથી... સેન્ચુરી સાથે બનાવ્યા એટલા રેકૉર્ડ કે ગણતાં ગણતાં થાકી જશો

• T20 ઈન્ટરનેશનલ મેચમાં સૂર્યકુમાર યાદવનું શાનદાર પ્રદર્શન
• સૂર્યકુમારે 51 બોલમાં બનાવ્યા 112 રન
• T20 આંતરરાષ્ટ્રીય ક્રિકેટમાં ત્રણથી વધુ સદી ફટકારનાર બીજા ભારતીય બન્યા

ભારતીય ક્રિકેટ ટીમના મિડલ ઓર્ડર બેટ્સમેન સૂર્યકુમાર યાદવ તેમની કારકિર્દીના શ્રેષ્ઠ તબક્કામાંથી પસાર થઈ રહ્યા છે. સૂર્યકુમાર યાદવનું બેટ સતત જોરદાર રન બનાવી રહ્યું છે. તેમણે તેમની ટૂંકી આંતરરાષ્ટ્રીય કારકિર્દીમાં અત્યાર સુધી ઘણા રેકોર્ડ બનાવ્યા છે. શ્રીલંકા સામેની ત્રીજી T20 ઈન્ટરનેશનલ મેચમાં સૂર્યકુમારે તે કારનામાને અંજામ આપ્યો છે, જેને અત્યાર સુધી વિશ્વના શ્રેષ્ઠ બેટ્સમેનો આજ સુધી આપી શક્યા નથી. ભારતના આ 360-ડિગ્રીવાળા બેટ્સમેન T20 આંતરરાષ્ટ્રીય ક્રિકેટમાં 3 સદી ફટકારનાર પ્રથમ નોન-ઓપનર બની ગયા છે.

51 બોલમાં બનાવ્યા 112 રન
રાજકોટમાં શ્રીલંકા સામે રમેયાલી સિરીઝની ત્રીજી અને છેલ્લી T20 ઈન્ટરનેશનલ મેચમાં સૂર્યકુમાર યાદવે મહેમાન બોલરોને જોરદાર દોડાવ્યા હતા. સૂર્યકુમારે 51 બોલમાં 112 રનની અણનમ ઇનિંગ રમી હતી. આ દરમિયાન તેમણે 7 ફોર અને 9 સિક્સર ફટકારી હતી. જમણા હાથના બેટ્સમેન સૂર્યકુમારે 219.61ના સ્ટ્રાઈક રેટથી રન બનાવ્યા. 

સૂર્યકુમાર યાદવે 45 બોલમાં પૂરી કરી હતી પોતાની સદી 
સૂર્યકુમાર યાદવે 45 બોલમાં પોતાની સદી પૂરી કરી હતી. તેઓ T20 આંતરરાષ્ટ્રીય ક્રિકેટમાં સૌથી ઝડપી સદી ફટકારનાર બીજા ભારતીય બની ગયા છે. એક ભારતીય તરીકે રોહિત શર્માના નામે T20માં સૌથી ઝડપી સદીનો રેકોર્ડ છે. રોહિત શર્માએ વર્ષ 2017માં શ્રીલંકા સામે 35 બોલમાં સદી ફટકારી હતી. આ દરમિયાન સૂર્યકુમારે ટી20માં 46 બોલમાં સદી ફટકારનાર કેએલ રાહુલનો રેકોર્ડ પણ તોડી નાખ્યો હતો.

T20 આંતરરાષ્ટ્રીય ક્રિકેટમાં ત્રણથી વધુ સદી ફટકારનાર બીજા ભારતીય 
સૂર્યકુમાર યાદવ T20 આંતરરાષ્ટ્રીય ક્રિકેટમાં ત્રણથી વધુ સદી ફટકારનાર બીજા ભારતીય બની ગયા છે. સૂર્યા ઉપરાંત ભારત તરફથી રોહિત શર્માના નામે સૌથી વધુ 4 સદી છે. T20 ઈન્ટરનેશનલ ક્રિકેટમાં ભારત તરફથી અત્યાર સુધી માત્ર બે બેટ્સમેન સદી ફટકારી શક્યા છે. આ પહેલા આ રેકોર્ડ રોહિત શર્માના નામે હતો જેમણે 118 રનની ઇનિંગ રમી હતી. 

વર્ષ 2022માં ઈંગ્લેન્ડ સામે 117 રનની રમી હતી ઈનિંગ
સૂર્યકુમાર યાદવે તેમની T20 આંતરરાષ્ટ્રીય કારકિર્દીમાં 3 સદી ફટકારી છે. તેમણે વર્ષ 2022માં ઈંગ્લેન્ડ સામે 117 રનની ઈનિંગ રમી હતી, જ્યારે તે જ વર્ષે તેમણે ન્યૂઝીલેન્ડ સામે અણનમ 111 રન બનાવ્યા હતા. સૂર્યકુમારની આ ભારતની ધરતી પર પ્રથમ સદી છે.

2023માં સદી ફટકારના પ્રથમ ભારતીય બેટ્સમેન સૂર્યકુમાર
સૂર્યકુમાર યાદવ T20 આંતરરાષ્ટ્રીય ક્રિકેટમાં 3 સદી ફટકારનાર પ્રથમ નોન-ઓપનર બેટ્સમેન બની ગયા છે. આ પહેલા દક્ષિણ આફ્રિકાના બેટ્સમેન ડેવિડ મિલર અને રિલે રુસોએ એક સમાન 2-2 સદી ફટકારી હતી. સૂર્યકુમાર વર્ષ 2023માં સદી ફટકારનાર ભારતના પ્રથમ બેટ્સમેન બની ગયા છે.

180.34ના સ્ટ્રાઈક રેટથી રન બનાવી રહ્યા છે સૂર્યકુમાર
32 વર્ષીય સૂર્યકુમાર યાદવે પણ T20 ઈન્ટરનેશનલ ક્રિકેટમાં 843 બોલમાં 1500 રન પૂરા કર્યા. આ પણ એક વર્લ્ડ રેકોર્ડ છે. આ પહેલા વિશ્વના કોઈ બેટ્સમેન આ સિદ્ધિ હાંસલ કરી શક્યા ન હોતા. સૂર્યકુમારની T20 ઇન્ટરનેશનલ કરિયરની વાત કરીએ તો તેમણે 43 ઇનિંગ્સમાં 875 બોલનો સામનો કરીને 1578 રન બનાવ્યા છે. સૂર્યા 180.34ના સ્ટ્રાઈક રેટથી રન બનાવી રહ્યો છે.